Adjunta Sekretária Jerál KO25 no atuál Prezidente CNJTL, Maria Dadi Soares Magno. Imajen Tatoli/Antónia Gusmão

DILI, 10 novembru 2020 (TATOLI)—Prezidente Conselho Nacional Juventude Timor Leste (CNJTL-sigla portugés), Maria Dadi Magno, hateten papél organizasaun CNJTL nian mak hari’i sosiedade ida ne’ebé mak ativu no responsavel.

“CNJTL nia papél, misaun no vizaun mak atu harii sosiedade ida ho responsavel maibé tenke hatene juventude ida-ne’ebé ativu iha asaun ruma tanba tuir polítika nasionál juventude katak estratéjia implementasaun programa nia alvu mak ba juventude,” Prezidente CNJTL, Maria Dadi Magno, haktuir ba jornalista Agência TATOLI bainhira partisipa iha serimónia selebrasaun Loron Juventude Nasionál ba dala-15 no masakre 12 novembru ba dala-XXIX iha salaun Xanana Sport Center, Bairru Formoza, Dili. tersa ne’e.

Nia hatutan, sosiedade ativu katak iha responsável mak automatikamente transforma ba sosiedade maibé la signifika hein atu bolu maibé joven ativu tenke ativu ba prosesu dezenvolvimentu nasionál ne’ebé konsagra ona iha Konstituisaun RDTL, artigu 19.

Nia dehan joven hotu-hotu tenke hamosu  krítiku ne’ebé mak ativu. Joven tenke responsável ba aan rasik no asaun ne’ebé mak atu kontribui ba sosiedade ida no nasaun ida.

Tanba ne’e, nia hateten, joven sira presiza independente katak nia tenke hamriik mesak ho nia ain hodi bele rezolve ba nia aan rasik no oinsá mak hatutan estafeta juventude Loriku Assua’in sira-nian ne’ebé mak ho espiritu voluntarizmu.

“Ita tenke dignifika no fó valór ba sira inklui ita motiva, enkoraja joven sira sai kreativu, ativu  no inovativu,” nia dehan.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here