Logotipu CAC.

DILI, 10 novembru 2020 (TATOLI)-PFMO “OSAN POVU NIAN, JERE HO DI’AK” fó formasaun kona-ba matéria prevensaun no investigasaun kriminál ba  funsionáriu hosi Komisaun Anti-Korrupsaun (CAC) ho Polísia Sientífika Investigasaun Kriminál (PCIC).

PFMO realiza módulu datolu ho tema “Prevensaun Kriminál no Medida Kautela hosi Polísia”  entre loron 9 to’o loron 11 no loron 17 novembru, tinan ne’e, remata kursu prevensaun kriminál no investigasaun kriminál  primeira, ida ne’e módulu datolu no ikus nian ho tema “Prevensaun Kriminál no Medida Kautela hosi Polisia”, mak inseridu iha “Área Krime Ekonómiku no Finanseiru”.

Logotipu PCIC. Imajen Tatoli/Egas Cristovão

Kursu ida ne’e destinadu ba CAC no PCIC mak sai parseiru importante ba projetu PFMO-C2 “OSAN POVU NIAN, JERE HO DI’AK”.

Liuhosi komunikadu imprensa ne’ebé, ohin, Agência Tatoli, asesu haktuir katak, ho formasaun oras 30 no destinadu ba funsionáriu sira hosi CAC no PCIC, módulu ida ne’e hetan partisipasaun hosi ema na’in-50.

Projetu PFMO-komponente 2 iha kofinansiamentu hosi Uniaun Europeia (UE) no kofinansiamentu no jestaun hosi Camões, I.P. “Setór prinsipál ba projetu ne’e hatama ba boa governasaun no objetivu hosi intervensaun ida-ne’e mak atu kontribui ba dezenvolvimentu sustentável Timor-Leste nian, liuhosi jestaun no supervizaun ba Finansas Públikas, ne’ebé transparente liu no orientada ba sidadaun,’’ haktuir nota komunikadu ne’e.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here