Ministru Asuntu Parlamentár no Komunikasaun Sosiál, Francisco Martins da Costa Jerónimo. Imajen Tatoli/Egas Cristovão

DILI, 09 novembru 2020 (TATOLI)—Ministériu Asuntu Parlamentár no Komunikasaun Sosiál (MAPKOMS), lideradu Francisco Jerónimo, propoin millaun $3,930 ba Orsamentu Jerál Estadu (OJE) tinan fiskál 2021.

Ministériu ba Asuntu Parlamentár no  Komunikasaun Sosiál nu’udar departamentu governamentál responsável ba konsesaun, ezekusaun, koordenasaun no avaliasaun polítika, definida no aprovada liuhosi Konsellu Ministru reprezenta área komunikasaun sosiál no asuntu parlamentár.

Ministériu ba Asuntu Parlmentár no Komunikasaun Sosiál propoin $9.930 ba tinan fiskál 2021, ne’ebé koloka ba saláriu vensimentu $866 bens servisu $2.736, transferénsia públika $3.410, kapitál minór $218 no kapitál dezenvolvimentu $2.700.

Ministru Asuntu Parlamentár no Komunikasaun Sosiál, Francisco Jerónimo, informa montante orsamentu hirak ne’e inklui hotu MAKPKOMS rasik, SEKOMS, RTTL, Agência TATOLI, no Rádiu Komunidade 16 iha territóriu nasionál no dirasaun tomak ne’ebé tutela ba ministériu refere.

“Ami-nia osan millaun $9-resin de’it. Ohin, Prezidente Komisaun A mós dehan ministériu ida-ne’e la mai fó todan ba komisaun tanba ami mós la mai husu osan foun (adisionál), ami koko jere hodi halo buat ruma iha 2021. Ami kontinua programa naroman ba suku, programa Governu ko’alia no medida prinsipál importante sira,” Ministru Francisco Jerónimo informa ba jornalista sira hafoin halo audiénsia ho komisaun  A (Justisa no Konstitusionál), iha sala konferénsia PN, segunda ne’e.

Medida prinsipál setoriál hosi MAPKOMS ba tinan fiskál 2021 mak kontinua asegura koordenasaun regulár ho Parlamentu Nasionál, propooin polítika no elabora lejizlasaun no halo regulamentasaun nesesária iha área komunikasaun sosiál.

Nune’e mós MAPKOMS ezerse superintendénsia no tutela  órgaun komunikasaun sosiál Estadu nian no koordena diseminasaun informasaun kona-ba programa no asaun Governu nian.

Iha audiénsia públika ne’e marka prezensa hosi Sekretáriu Estadu Komunikasaun Sosiál, Mericio Akara, Prezidente Interinu Agência TATOLI I.P, Manuel Pinto, Prezidente RTTL.e.p, Francisco Gari no ekipa diresaun ne’ebé tutelada ba MAPKOMS.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here