MInistru Edukasaun Joventude no Desportu, Armindo Maia. Imajen Tatoli/Egas Cristovão.

DILI, 06 novembru 2020 (TATOLI)—Ministériu Edukasaun Juventude no Desportu liuhusi audensia públika ho Komisaun G Parlamentu Nasionál iha sesta (06/11) aprezenta proposta Orsamentu Jerál Estadu (OJE) 2021 nian ho montante purvolta $111.478.459.

Orsamentu ne’e sei aloka ba saláriu vensimentu purvolta millaun $61.628.121, bens no servisu $16.650.131, kapitál menór $2.995.700,kapitál dezenvolvimentu $7.015.951,tranferénsia públika $23.188.556.

Notísia Relevante :MEJD prevee millaun $ 68-resin ba OJE 2020

Tuir planu MEJD ba tinan oin sei konsentra ba programa prioridade sira hanesan Governasaun di’ak no jestaun institusionál, prioridade ba hadi’a sistema ensinu pre-eskolár, báziku, sekundária no ensinu rekorente, hadi’a infraestrutura bázika, promove kualidade profesór sira-nian no seluk tan.

Ministru Edukasaun Juventude no Desportu (MEJD), Armindo Maia, ba jornalista sira iha Parlamentu Nasional informa  durante halo audensia ho Komisaun G husu atu Governu ezekuta osan hirak ne’e ho rigór no tuir duni planu prioridade ne’ebé trasa tiha ona.

Iha parte seluk, Prezidente Komisaun G ne’ebé trata asuntu Edukasaun, Juventude, Kultura no Sidadania, Deputadu António Verdiál de Sousa, hateten proposta MEJD nian ne’e pertenente duni atu dezenvolve setór edukasaun liliu hadi’a infraestrutura bázika.

Notísia Relevante :MEJD planea reabilita sala aula 680 iha tinan oin

Jornalista : Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here