Prezidente APFTL, Zaulino Gomes da Silva.Imajen/Felicidade Ximenes.

DILI, 04 novembru 2020 (TATOLI)—Prezidente Komisaun Organizadora ba Komemorasaun Masakre Santa Cruz Dili, 12 Novembru 1991 no Selebrasaun Loron Nasionál ba Juventude 2020, Zaulino Gomes da Silva, hateten daudaun ne’e koordena ona ho médiku sira iha Ospitál Nasionál Guido Valadares (HNGV-sigla portugés) atu fó tratamentu saúde masal ba sobrevivente sira.

Programa ne’e tuir planu sei hala’o iha loron 09 fulan-novembru 2020 iha Dili. “Ita-nia maun sobrevivente sira mak husu atu tau mós atividade konsulta masal hodi nune’e sira bele hetan tratamentu saúde,” nia informa ba Agência Tatoli iha Becora ohin.

Notísia Relevante :12 novembru, Governu seidauk aprova proposta komisaun

Komisaun Organizadora realiza programa konsulta saúde masal ne’e bazeia ba pedidu ne’ebé hato’o husi sobrevivente sira katak iha ámbitu komemorasaun Masakre Santa Cruz Dili ba dala XXIX (29) presiza kria atividade konsulta saúde masal.

“Agora ita presiza liután mak apoiu sobrevivente sira atu buka halo kontaktu hodi identifika sira- nia maluk sobrevivente sira ne’ebé maka durante ne’e hetan moras maibé nunka halo tratamentu bele aproveita konsulta masal espesiál ne’e hodi bele marka prezensa,” nia dehan.

Atuál Prezidente Alumni Parlamentu Foinsa’e Timor-Leste ne’e fiar katak ho konsulta saúde masal ne’e sei fó tratamentu intensivu liután ba sira ne’ebé identifikadu sofre moras grave maibé seidauk hetan tratamentu saúde.

Jornalista : Tomé Amado

Editór :Agapito dos Santos

HAKEREK NO HATÁN

Please enter your comment!
Please enter your name here