Prezidente Repúblika, Francisco Guterres 'Lú Olo'. Imajen Tatoli/Egas Cristovão

DILI, 02 novembru 2020 (TATOLI)—Prezidente Repúblika, Francisco Guterres ‘Lú Olo’, hateten ita hotu-hotu repudia (la simu) kazu Raikotu. Kazu asasinatu ne’ebé akontese iha 30 outubru, iha Aldeia Terra Santa  ka koñesidu ho Raikotu, Suku Madohi, Dili, bainhira mane ida  tama uma laran hodi oho Domingas Soares no hakanek nia oan feto LM.

“Kazu iha Rakotu ne’e, ita hotu-hotu repudia (la simu). Ita repudia ho forsa,” Prezidente Repúblika hateten bainhira vizita no kari aifunan na eroi libertasaun nasionál nia rate leten iha Jardim dos Herois da Pátria, Metinaro, Dili, segunda ne’e.

Prezidente Repúblika hateten, kazu krime ne’e tama ona prosesu investigasaun. Polísia Sientifiku Investigasaun Kriminál no Ministériu Públiku sei hala’o investigasaun kle’an hodi julga kriminozu ba iha fatin ne’ebé merese.

Liuhusi prosesu primeiru interogatóriu, Tribunal Distrital Díli aplika ona koasaun prizaun preventiva ba arguidu ne’ebé deskonfia oho Domingas Soares no hakanek nia oan feto LM iha Raikotu.

Komunikadu Imprensa

HAKEREK NO HATÁN

Please enter your comment!
Please enter your name here