Imajen/Media PN.

DILI, 01 novembru 2020 (TATOLI)—Proposta-lei Orsamentu Jerál (OJE) 2021 prevee millaun $339.605 ba fundu infraesturura no hosi montante orsamentu ne’e mós deskreve millaun $41.588 ba ekipamentu komputadór.

“Fundu Infraestrutura (FI) ba tinan fiskál 2021 ho montante millaun $339.605. hosi montante ne’e prevé millaun $338.533 ba kapitál dezenvolvimentu,” haktuir dokumentu orsamentál ne’ebé Agência TATOLI asesu hosi Parlamentu Nasionál, foin lalais ne’e.

Introdusaun hosi Fundu Infraestrutura ne’e bazea ba Planu Estratéjiku Dezenvolvimentu Nasionál (PEDN) 2011-2030.

Objetivu prinsipál Fundu Infraestrutura (FI)  apoia projetu estratéjiku sira ne’ebé  hasa’e kresimentu ekonomia Timor-Leste nian. FI ne’e  kria iha 2011 hodi fasilita dezenvolvimentu infraestrutura no providénsia fonte finansiamentu ba estrada, ponte, aeroportu, portu, fornesimentu eletrisidade, abastesimentu água, edukasaun, saúde, turizmu no projetu boot sira iha nasaun nian.

Entretantu kuadru jurídiku Fundu Infraestrutura bazeia ba Lei N.º 1/2016 no  Dekretu-Lei N.º 13/2016, ne’ebé substitui  Dekretu-Lei N.º 8/2011. Iha tinan 2016  Fundu Infraestrutura transforma ba Fundu Autónomu.

Montante orsamentu millaun $339.605 ne’e kompostu hosi rihun $32 ba saláriu no vensimentu, millaun $1.040 ba bens (sasán) no servisu no millaun $338.533 ba kapitál dezenvolvimentu.

Iha Fundu Infraestrutura ne’e mós prevee rihun $60 ba boa governasaun no jestaun institusionál, setór agrikultura millaun $3.798, água no saneamentu millaun $3.449, dezenvolvimentu urbanu no rurál millaun $ 6.190, edifísiu públiku millaun $7.693, edifísiu edukasaun millaun $4.843, enérjia elétrika millaun $18.321, ekipaamentu komputadór millaun $41.588, saúde millaun $4.844, seguransa no defeza millaun $13.884.

Nune’e mós solidariedade sosiál millaun $1.000, projetu tasi mane millaun $8.500, aeroportu millaun $19.843, preparasaun dezeñu no supervizaun ba projetu foun millaun $9.441, estrada millaun $105.215, ponte millaun $4.896, portu millaun $1.814, programa ba setór turizmu rihun $ 652, programa empréstimu millaun $70.700, programa setór finansa millaun $2.905, Sekretariadu Estadu Juventude no Desportu millaun $2.034, Komisaun Administrasaun Fundo Infraestrutura (KAFI) millaun $1.011, programa manutensaun no reabilitasaun millaun $6.924.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here