Diretor IDN-TL, Capitao-de-Mar-e-Guerra, Donaciano Costa Gomes “ Pedro Klamar Fuik”, akompaña hosi Diretór Jerál Jesaun Rekursus, Ivonia de Oliveira Marçal, inklui Diretor Departamentu Komunikasaun no Audiovisual-DCAP, José Manuel Fernandes “Nakfilak” enkontru ho koordenador projetu PFMO Rui Dinis hosi Uniaun Europeia. Imajen/IDN-TL

DILI, 29 outubru 2020 (TATOLI)- Instituto de Defesa Nasionál Timor Leste –(IDN-TL), ohin, hala’o enkontru ho  koordenador projetu PFMO Rui Dinis hosi Uniaun Europeia iha Edifísiu IDN-TL, iha Palácio do Governo, Dili.

Enkontru ne’ebé lidera direta hosi Diretor IDN-TL, Capitao-de-Mar-e-Guerra, Donaciano Costa Gomes “ Pedro Klamar Fuik”, akompaña hosi  Diretór Jerál Jesaun  Rekursus, Ivonia de Oliveira Marçal,  inklui Diretor Departamentu Komunikasaun no Audiovisual-DCAP, José Manuel Fernandes  “Nakfilak”.

Hafoin enkontru  Diretor IDN-TL, Capitão-de-Mar-e-Guerra, Donaciano Costa Gomes “ Pedro Klamar Fuik” informa ba jornalista sira katak   Uniaun Europeia sai hanesan fundadores ida ba IDN-TL  depois tinan 10, sira fó kontribuisaun maka’as ba ezisténsia IDN-TL nian.

“Fundamentu prinsipal ba hosi sorumutuk ne’e, avalia fila-fali  hanoin ne’ebé mak sira iha,  kona-ba sira nia partisipasaun iha fundasaun Institutu Defesa Nasionál, iha tinan 10 liu ona  no tinan 10 ba oin, sira iha kompromisu kontribui nafatin apoia formasaun hirak ne’ebé realiza hosi IDN-TL,” hateten Donaciano Costa Gomes “Pedro Klamar Fuik”.

Eis Komandante Komponente Naval ne’e agradese tanba durante ne’e Uniaun Europeia hanesan parseiru  ne’ebé kontribui ajuda hadi’a instalasaun sira balun iha IDN-TL. Nune’e liuhosi sorumutuk ida-ne’e, sira kontinua hatudu sira-nia prontidaun atu kontribui apoio IDN-TL.

Donaciano Costa Gomes, nota katak, Uniaun Europeia iha empenamento boot atu halo ba Timor-Leste ein-jerál,  liu-liu iha área justisa nian.  Formasaun judisiária ba funsionáriu Komisaun Anti-Korrupsaun sira.  Alemde ne’e  mos  Uniaun Europeia sei iha hanoin  oinsá mak bele kontribui ba dezenvolvimentu rekursus umanus pais ida ne’e, ho perspetiva bele enkuadra mos iha formasaun ne’ebé IDN-TL realiza.

“Ita hein katak Uniaun Europeia hanesan um dos grande contributos ba iha kooperasaun mundial segundu lugar no sira mos bele kontribui buat ruma ba IDN-TL, liu-liu iha programa formasaun ne’ebé mak ita halo hodi bele iha kombinasaun de sinergias (rekursus) ne’ebé mak sira iha, bele apoia IDN,” Pedro Klamar Fuik afirma tan.

Remata enkontru, parte sira  vizita mos ba instalasaun sira iha IDN-TL, hanesan, dezeñu ba edifísiu foun  IDN iha Kaitehu, Liqiuça, biblioteka no sala formasaun.

 Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here