Prezidente Autoridade Munisípal Dili, Gaspar Soares. Imajen/Tatoli

DILI, 22 outubru 2020 (TATOLI)–Prezidente Autoridade Munisípiu Dili, Gaspar Soares, hateten to’o agora Munisípiu Dili seidauk aplika koima ba ema ne’ebé mak komete infrasaun hanesan hari’i uma iha mota-ninin, tasi-ninin no dalan públiku hanesan estrada.

Tanba, nia hateten, tuir dekretu-lei 33/2008 hateten ema ne’ebé mak la kumprimenta artigu ne’ebé mak mensiona iha artigu balun hosi 33/2008, konsidera hanesan kontra ordenasaun no sensionál multa.

“Iha dekretu lei ne’e esplika ona maibé ita la aplika koima ka multa osan hosi $5-500 ba ema sira ne’ebé mak komete infrasaun tanba haree ba kondisaun ekonómia sira-nian ne’ebé mak la sufisiente,” Gaspar Soares hateten ba Agência TATOLI iha nia knaar fatin Matadouro, Dili, kuarta ne’e.

Tanba ne’e, nia husu ba Ministériu Administrasaun Etstaál (MAE)Tenke hatene ema hanesan ne’ebé mak bele aplika koima $100 ka $200 ne’e.

“Ita husu ona ba Ministériu Administrasaun Estatál para oinsá prepara estandarizaun koima katak populasaun komete infrasaun ne’e multa hira no ba ema ida hanesan ne’ebé ne’e. Tanba, ita-nia ekonómia no kondisaun uma-laran la henesan. Hosi dekretu lei ne’e hateten  populasaun komete infrasaun ne’e $5-500 maibé karik ema komete infrasaun identifika hanesan koletivu. Entaun presiza iha estandarizaun multa,” nia hateten.

Nia dehan, tenke hanoin no halo planu estandarizaun koima ka multa ne’e iha mak aplika ba populasaun para nune’e Munisípiu Dili fó atensaun ba asuntu refere.

Bainhira aplika koima, nia dehan, populasaun sira tauk ona konstrui uma iha fatin risku sira.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here