Logotipu Kopa FFTL 2020. Imajen/FFTL

DILI, 21 outubru 2020 (TATOLI) – Sekretáriu Jerál Federasaun Futeból Timor – Leste (FFT) Nelio Isaac Sarmento informa, komisaun prepara ona osan ba mellor jogadór, markadór  no guarda rede di’ak liu durante jogu kopa FFTL.

“Jogu kopa FFTL nian besik to’o ona ba nia rohan. Uza oportunidade ida ne’e atu fó sai ba públiku katak ami sei fó osan $1,000,00 ba ema ida ne’ebé mak sai mellor markadór, jogadór no guarda rede di’ak liu,” Nelio Isaac Sarmento informa liuhosi konferénsia imprensa iha Estádiu Munisipál Dili,  ohin loraik.

Prémiu ba klube primeiru lugar sei simu $15,000,00, segundu lugar $10,000,00 terseiru lugar, $7,500,00 no kuatru lugar $2,500,00.

Iha parte seluk komisaun jogu Kopa FFTL konvida adeptu hotu bele ba partisipa direita iha jogu finál entre Lalenok United FC no AD. SLB Laulara, domingu (25/10), iha Estádiu Café Gleno.

Jornalista   : Hortencio Sanchez

Editór        : Francisco Simões

 

HAKEREK NO HATÁN

Please enter your comment!
Please enter your name here