Padre Ilídio Correia. Imajen/Facebook

DILI, 19 outubru 2020 (TATOLI)—Reprezentante Povu iha Uma Fukun Parlamentu Nasionál hato’o sentida kondolénsia ba Pe. Ilídio Correia ne’ebé fila hikas ona ba Aman Maromak nia kadunan santu.

“Ami hato’o ami-nia sentida kondolénsia kle’an ba Pe. Ilídio Correia ne’ebé husik ona ita,” Sekretária Meza Parlamentu Nasionál, Deputada Lídia Norberta dos Santos Martins, hato’o liuhosi plenária Parlamentu Nasionál, segunda ne’e.

Xefe Bankada Frente-Mudança (FM), Maria Barreto Isabel Ximenes, sente triste bainhira rona informasaun Amu Ilídio hakotu ninia peregrinasaun hosi mundu.

“Ami-nia sentida kondolénsia ba família Saleziana tomak tanba Amu Ilídio fila ona ba Aman Maromak nia kadunan santu,” nia dehan.

Entretantu, Xefe Bankada Partidu Demokrátiku mós hato’o sentida kondolénsia ba Padre Ilídio Correia.

“Ami hato’o sentida kondolénsia kle’an ba Igreja Katólika tanba lakon bibi-atan di’ak ida liuliu ba família salesiano sira,” nia hateten.

 Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here