DILI, 19 outubru 2020 (TATOLI)–Sekretaria Estadu Formasaun Profisionál no Empregu (SEFOPE) liuhosi Diresaun Nasionál Empregu Esteriór (DNEE) realiza tan teste etapa daruak, ba kandidatu traballadór Seasonal Worker Programme (SWP) Austrália hosi munisípiu Dili.
“Teste etapa daruak ne’e hanesan kontinuasaun teste fíziku ne’ebé realiza ona iha 21 Setembru 2020 to’o 09 outubru, nune’e ohin kontinua ba to’o iha 23 outubru,” Diretór ne’e informa bainhira akompaña teste ne’ebé realiza iha Sentru Formasaun Polísia, Comoro, segunda ne’e.
Ba etapa ne’e, kandidatu traballadór hamutuk 2.196 maka partisipa, kompostu hosi mane 1.577 no feto 619.
Notísia Relevante: Kandidatu Traballadór timor-oan na’in-900 ba Austrália tuir teste fíziku
Dirijente ne’e dehan, kritériu teste ba kandidatu sei hanesan teste iha faze dahuluk, ne’ebé feto push up 15, mane 30 no halai feto 30, mane 40.
Antes ne’e, kandidatu traballadór hosi munisípiu Dili hamutuk 900 maka tuir teste fíziku, hosi totál kandidatu na’in-13.000 resin.
Teste labele halo simultáneamente tanba Sentru Comoro labele akumula hotu, tanba ne’e deside atu halo teste pur etapa.
Jornalista: Natalino Costa
Editora: Julia Chatarina