Kankru serviks. Ilustrasaun

DILI, 16 outubru 2020 (TATOLI)—Antigu Alunu Austrália iha Timor-Leste, Triana do Rosário Cortereál de Oliveira, hateten presiza halo vasinasaun human papillomavirus (HPV)  ba feto no labarik feto sira hodi nune’e bele prevene sira husi moras kankru servikál ka kankru serviks

Triana hato’o asuntu ne’e bainhira sai oradór iha semináriu ida kona-ba moras kankru servikál no vasina human papillomavirus (HPV) ne’ebé organiza husi Asosiasaun Antigu Alunu Austrália iha Timor-Leste, no hetan apoiu husi Workforse Develompment Program Timor-Leste Embaixada Australia.

Husi rezulta peskiza barak maka prova vasina HPV bele prevene prosesu dezenvolvimentu kankru servikál, iha tinan 2009, Organizasaun Mundiál Saude rekomenda inkluzaun ba HPV parte ida atu halo prevensaun ba kankru servikál.

Iha modalidade tolu ne’ebé importante para atu halo prevensaun ba kankru serviks.

”Ita mós presiza halo deteksaun sedu hósi screening ba ema sira ne’ebé afetadu ho moras kankru serviks ne’e rasik,”  nia dehan ba Tatoli , iha otél Novo Turizmu Dili.

Moras kankru ho mortalidade  ne’ebé a’as tanba Timor-Leste nu’udar nasaun ho pozisaun dahaat iha mundu tomak.

“Baseia ba estimasaun insidensia nasionál hatudu katak kankru servikál ne’e hanesan kankru númeru kuatru depois mak kankru pulmaun no susun,” nia hateten.

HNGV rejistu ona dadus kona-ba kankru nasionál desde juñu 2019 hatudu katak kankru servikál ho pursentajen boot.

”Tanba ita hotu hatene katak vasina ida ne’e labarik Feto ho idade adolesente no rekomenda tinan 9 to 14 entaun presiza tebes atu hatene Inan-Aman sira nia koñesementu kona–ba vasina foun ne’ebé tuir Ministériu Saúde sira introduz iha tempu badak.

“Durante ha’u halo peskiza ba Inan Aman na’in 12 iha Dili no inan ida de’it maka hatene kona-ba vasina (HVP) ne’e tanba inan ne’e rasik nia bin mak introdúz vasina ne’e ba nia, ho ida ne’e inan ne’e komesa hahú hatene oituan bainhira subrina ida ho idade 14 nia lori ba vasina entaun ida ne’e mak nia komprende kona-ba vasina,” nia hateten.

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here