Jogadór AD.SLB festeja sira-nia vitória iha kampu laran. Imajen/Mídia FFTL

GLENO, 16 outubru 2020 (TATOLI) – Ekipa jogadór AD.SLB manan ho fiar-aan iha jogu oitavu final kopa Federasaun Futeból Timor-Leste (FFTL). “Makikit Laulara” manan ho  6-3 hasoru Sporting Clube de Timor.

Iha jogu ne’ebé hala’o iha Estádiu Café, Gleno, Ermera, ohin loro-kraik, AD. SLB ka “Makikit Laulara” hatudu kedas sira-nia esforsu no abilidade hodi enfrenta Sporting Clube de Timor  ne’ebé fó rezultadu ida pozitivu hodi dudu Sporting hela ho golu tolu (3) de’it no AD.SLB avansa ho golu neen (6).

Ho rezultadu ne’e, lori ekipa AD.SLB  hetan direitu absoluta ba “tiketi”  jogu semi final ne’ebé sei hala’o iha tempu besik.

Jogu la’o iha minutu 23 nia-laran, jogadór SLB, João Pedro (7) aproveita oportunidade pasajen furak hosi nia belun Mozinho de Lima (10) “liki” kedan golu ida ba baliza Sporting nian.  Nune’e  João Pedro, kontribui score 1-0 ba Sporting.

SLB sai “superiór”  liután bainhira iha minutu  31 Mozinho de Lima hetan oportunidade pasa bola ida hosi Jhon Freitas (6) hatama tan golu ida ba baliza Sporting nian hodi rezulta Sporting nafatin hela ho zero (0) no LSB hakat ba  golu rua (2).

Ho golu rua (2) ne’e halo ekipa jogadór SLB nian solidu liután. Nune’e, iha minutu 45, João Pedro, oferese tan golu ida ba SLB hodi “siga” ka “tonka”  score SLB ba golu tolu (3) no Sporting mantein ho zero (0) to’o árbitru Francisco Pereira, huu apitu durasaun naruk uitoan ho nia sentidu termina  primeiru parte jogu (babak pertama) entre parte-rua.

Iha segunda parte nian (babak kedua) stamina ekipa Sporting nian droop maka’as tanba tenke joga iha udan-laran. Maibé, SLB foti hanesan oportunidade boot, nune’e jogador SLB nian, Mozinho de Lima, “hurulele” tan golu ida ba baliza Sporting nian hodi dudu valor SLB nian sa’e ba haat (4) no Sporting kontinua dolar ho valor zero (0).

Iha minutu 55, Sporting komesa hadeer hosi nia “adversidade” (ketepurukan), nune’e jogadór Florindo Soares (19) hosi Sporting “les” baliza  SLB nian ho golu ida. nune’e muda scora Sporting ho golu ida (1) no SLB golu (4) ka 1-4.

Ho golu Florindo Soares nian ne’e hanesan so-kadu ida ba ekipa SLB.  Nune’e, SLB muda nia estratéjia ho atake to’o la fó valda ba Sporting. Ho nune’e, iha minutu  61, Mozinho  de Lima hosi SLB aproveita bola ne’ebé pasa hosi nia kolega duir to’o lori ba hatama golu ba baliza Sporting nian hodi rezulta SLB nia score sa’e ba lima (6) ona.  Maske nune’e, Sporting la nonook leet de’it.  Sira mós halo atake ho presaun maka’as hasori SLB, tanba ne’e, iha minutu balun de’it, Marito dos Santos hosi Sporting “liki” golu ida ba baliza SLB hodi muda score ba 5-2.

Vontade jogadór Sporting nafatin mantein hodi halo kontra atake no defensive ba jogadór SLB sira, maibé esforsu hirak ne’ebé Sporting sira halo hela ho esforsu nafatin de’it, tanba iha fali minute 81, Alexandre Kefi (21) hosi SLB fura tan baliza Sporting hodi halo SLB haksoit dok ho golu neen (6) no Sporting mantein golu rua (2).

Iha fali minutu haat (4) ikus nian ba jogu segunda parte (babak kedua),  Sporting hetan grasa hodi esforsu Lexy Atok (8) hatama golu ida ba baliza SLB hodi lori Sporting nia score sa’e ba tolu to’o jogu termina iha minutu 90 rezultadu mantein SLB ho golu neen (6) no Sporting hela ho golu tolu (3) de’it.  Nune’e, vitória hela ba SLB hodi hakat ba semi final.

Iha semi finál SLB sei kontra Assalam ka Ponta Leste tanba klube rua ne’e sei hala’o jogu iha estádiu hanesan iha  domingu (18/10).

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here