Ministru Finansa, Fernando Hanjam. Imajen Tatoli/Egas Cristovão

DILI,  14 outubru 2020 (TATOLI)–Ministru Prezidénsia Konsellu Ministru, Fidelis Manuel Leite Magalhães, informa Ministru Finansa (MF), Fernando Hanjam, moras no daudaun iha hela faze rekuperasaun saúde.

Portavóz Governu ne’e dehan, seidauk rona informasaun kona-ba Ministru Fernando hatama ona karta rezignasaun ba Primeiru-Ministru, Taur Matan Ruak.

“Ami laiha informasaun kona-ba Ministru Finansa hatama karta rezignasaun, ha’u mós rona ona pergunta balun hosi kolega mídia sira maibé ami laiha informasaun kona-ba asuntu ne’e. Buat ne’ebé loos maka Ministru Finansa iha hela faze rekuperasaun ninia saúde,” Ministru Fidelis relata iha Palásiu Governu, kuarta ne’e,

Governante ne’e labele fó komentáriu ba asuntu ne’e tanba seidauk iha diskusaun iha nível ezekutivu sira.

No comment! Laiha buat ida atu komenta no laiha diskusaun ruma kona-ba asuntu ne’e, ne’ebé asuntu ne’e la eziste,” Ministru subliña.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here