Klube ualu (8) mak konsege ultrapasa ba oitavu finál. Imajen/Mídia FFTL

DILI, 11 outubru 2020 (TATOLI) – Jogu faze primeiru  (babak pengesian) termina ona hosi Kablaki FC no Emanuel FC. Hosi rezultadu jogu ne’ebé iha hatudu katak klube ualu (8) mak konsege ultrapasa ba oitavu finál.

Klube ualu  ne’e kompostu hosi  Grupu A, B, C no D mak hanesan, Lalenok United FC,  AS Ponta Leste, AD S.L.B Laulara, Boavista FC Timor, Assalam FC, Karketu Dili FC, AS Marca FC no Sporting Clube de Timor.

Pontu ba ekipa hirak ne’e hanesan, Lalenok United FC ho pontu 12 joga dala-haat manán dala-haat lakon laiha no empata laiha. Ponta Leste ho pontu 12 joga dala-haat, manán dala-haat,  lakon laiha no empata laiha.

SLB Laulara ho pontu 12, manán dala-haat, joga dala-haat, lakon laiha no empata laiha. Assalam ho pontu sia (9) lakon dala-ida,  manán  dala-tolu (3) empata laiha. Karketu Dili FC joga dala-haat, manán dala-tolu, lakon dala-ida, empata laiha.

Boavista joga dala-haat (4), manán dala-tolu, lakon dala-ida, empata laiha. Sporting joga dala-haat, manán dala-tolu, lakon dala-ida no empata laiha. AS Marca joga dala-haat, manán dala-rua, lakon dala-rua no empata laiha.

Hosi rezultadu ne’ebé iha lori ona ekipa hirak ne’e avansa ba oin hodi luta ba malu nune’e bele hadau billete hodi hakat ba kuartu finál. Iha ne’ebé jogu sei realiza iha Estádiu Kafé Gleno Ermera, iha loron 15 to’o 18 outubru 2020.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here