Líder Nasionál, Kay Rala Xanana Gusmão. Imajen Tatoli/António Gonçalves

DILI, 10 outubru 2020 (TATOLI)—Eis Prezidente-Repúblika Kay Rala Xanana Gusmão, kongratula estudante sira hosi Fakuldade Siénsia Sosiál-Universidade Nasionál Timor Lorosa’e (FCS-UNTL-sigla portugés) ne’ebé promove semináriu kona-ba espíritu nasionalizmu no patriotizmu iha komunidade akadémika ho sub-tema “Nasaun Ida, Povu Ida no Identidade Ida”.

Universidade Nasionál Timor Lorosa’e (UNTL) liuhosi Fakuldade Siénsia Sosiál hala’o semiáriu ida ho tema “Com o espírito nacionalismo e patrotísmo desta comunidade académica da FCS-UNTL no âmbito de comemorar XX aniversário da UNTL. Semiáriu ne’e mós ho sub-tema “um país, um povo e uma identidade”.

Oradór Kay Rala Xanana Gusmão konsidera semináriu ne’e importánsia loron Konsulta Popular, ne’ebé lori ba Independência ho lema “País ida, Povo Ida no Identidade ida” iha Estadu Konstitusionál Kontemporáneu, Demokrasia no Direitu”.

Semináriu ne’e organiza hosi UNTL liuliu inisiativa ne’e mai hosi Dekanu Fakuldade Siénsia Sosiál, Camilo Ximenes Almeida no Vise-Dekanu ba Asuntu  Estudantes, Mestre Bernardo Leto

Xanana agradese ba konvite no kongratula UNTL, liuliu Fakuldade Siénsia Sosiál, tanba promove reflesaun kona-ba tema ne’ebé fundamentál tebes  ba konsolidasaun Estadu Direitu Demokrátiku iha Timor-Leste .

“Atu reflete (ka hanoin) kona-ba “País ida, Povu ida no Identidade ida” hosi prismas (perspetiva) rua ne’ebé propoin mai ha’u hodi hanoin fila-fali (ka lembra) memória hosi pasadu iha prosesu ne’ebé lori ba ita-nia independénsia no atu ezamina (analiza) estadu konstitusionál no demokrasia, iha tempu agora (prezente) sai hanesan prátika ida, ne’ebé sirkunstánsia (situasaun polítika) ohin loron nian obriga (impoin) atu hala’o,” Kay Rala Xanana Gusmão hato’o nia dsikursu iha INFORDEPE, Balide, sábadu ne’e.

Xanana Gusmão fundamenta ho razaun dahuluk, tinan ida-ne’e, selebra Tinan 21 ba Konsulta Populár tama ona iha ninia maioridade. Iha 20 maiu tinan ne’e nasaun ida-ne’e halo tinan 18, dezde ke hahú demokrasia, loron ne’ebé mundu tomak sai testemuña ba rekoñesimentu formál ba independénsia. Tinan 18 liu ba, paíz joven ida ho naran Timor-Leste mak moris iha mundu.

Daruak, selebrasaun 20 maiu tinan ida-ne’e marka ho krize internasionál ne’ebé, bele dehan, nunka akontese antes. Pandemia COVID-19, ne’ebé ita la hatene bainhira mak hotu, mai doko demokrasia iha mundu tomak no provoka krize ekonómika internasional ida, ne’ebé difísil tebes ba ita atu haree sei sai oinsá loos.

Datoluk, iha Timor-Leste, aleinde dezafiu (problema) ne’ebé pandemia mundiál ezije atu taka dalan ba Coronavirus atu propaga (hada’et ba ema barak), ita mós haree katak dezafiu seluk mosu ba ita-nia joven estadu direitu.

“Ha’u laran taridu kona-ba aliserse (ka ai-riin ne’ebé tane) ita-nia demokrasia nian, ne’ebé sei frájil, bele hetan risku atu naksobu. Ita-nia lei fundamentál (ka Lei Inan) Konstituisaun Repúblika Demokrátika Timor-Leste hasoru interpretasaun ne’ebé ita bele kestiona hanesan mós bele kestiona ninia aplikasaun (katak, haktuir ka lae espíritu Konstituisaun ne’e nian). Ida-ne’e akontese, bainhira ita-nia paíz moris hela iha rejime duodésimu nia laran, hosi kedas fulan janeiru tinan ida-ne’e, no hasoru estadu emerjénsia iha ona fulan lubuk ida-nia laran,” nia dehan. 

Eis Primeiru-Ministru ne’e hateten, iha senáriu ida-ne’e ema hotu sai hanesan refén (ka dadur) ba ita-nia konviksaun no konviksaun ne’e lori ita atu fiar katak Estadu proteje duni ita-nia povu, ka konviksaun katak estadu proteje hela mak interese ne’ebé hatuur tiha ona iha podér polítiku hosi ajente balun Estadu nian.

“Ha’u tenke dehan katak sistema demokrátiku implika (husu, ezije) ezersísiu (hahalok) ne’ebé la’ós hanesan tuir dalan-loos ida no dalan ne’ebé hotu-hotu bele simu de’it. Demokrasia, sistema ida-ne’ebé sempre hatudu (hamosu) imperfeisaun (hahalok ne’ebé la perfeitu) barak no iha kazu país sira jovens (nurak) no frájil, no iha kazu Timor-Leste nian ho pezu (todan) psikolójiku hosi sofrimentu no konflitu durante tinan 24, sei sai duni sistema ida kompleksu liu,” nia dehan. 

Xanana fundamenta, hanoin hanesan ne’e mak bele hetan esplikasaun ba krize ne’ebé mosu iha kedas 2002 ho 2006, no mós krize polítika ne’ebé mosu dezde 2017.

“Tan ne’e duni, iha prinsípiu demokrátiku bazilares (sai nu’udar baze), ne’ebé kuandu sai desrespeitadu (hetan violasaun) bele ameasa ita-nia mehi ba demokrasia, ne’ebé hetan referendu iha 1999 no reafirma no rekoñesidu internasionalmente iha 2002,”  Eis PM ne’e hateten.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here