Edifisiu Tribunál Rekursu. Imajen/Espesiál

DILI, 08 outubru 2020 (TATOLI)- Parlamentu Nasionál (PN), kuarta horiseik,  aprova ona orsamentu 2020 ba Tribunál Rekursu (TR) ho montante $6,14 ,292 iha faze espesialidade.

“Rezultadu votasaun a-favor 41, kontra 0, abstensaun 21, ho nune’e, orsamentu  Tribunál Rekursu pasa’’ informa Prezidente Parlamentu Nasionál, Aniceto Longuinhos Guterres, iha ámbitu diskusaun no aprovasaun  Orsamentu Jerál Estadu (OJE) 2020 iha faze espesialidade.

Hosi montante OJE 2020 ba Tribunál Rekursu (TR) $6.14 ,292   kompostu saláriu no vensimentu $3.387,021, bens servisu $2.627,271 ba kapitál menór, kapitál dezenvolvimentu no transferénsia públika laiha.

Montante orsamentu ba TR ne’e koloka ba   Konsellu Superior Majistratura Judisiál $11.000, Tribunál Rekursu $4,713,838, Tribunais Distritais $1,289,454.

Tribunais hanesan  órgaun soberania ho nia kompeténsia  atu administra justisa lori povu nia naran no  hala’o ezersísiu nia funsaun, Tribunais sira iha direitu koadjuvasaun hosi autoridade seluk.

Desizaun hosi tribunais sira hanesan kumprimentu obrigatóriu  no  prevalese kona-ba desizaun hotu autoridade nian ne’ebé  previstu no eziste (a) Supremu Tribunál Justisa no tribunais judisiais sira seluk, (b)Tribunál Superior Administrativu Fiskál no  Kontas  no Tribunais Administrativu Primeira Instánsia, no  (c) Tribunais Militares (artigu 118 Konstituisaun Repúblika). Ho nune’e,  Tribunál Rekursu  ho Tribunais Distritais  ezerse kompeténsia ba  Tribunais sira ne’ebé kria.

Tuir dokumentu orsamentál ne’ebé prevee iha livru  Planu Asaun Anuál (Livru 2) nian hosi parte Tribunál Rekursu fó prioridade bem-estar sosiál  protesaun sosiál no sidadania, (edukasaun no formasaun), sidadania (Partisipasaun asesu ba justisa). Nune’e mós  konsolida no  fortalese justisa,  demokrasia  no direitu umanu, promosaun sosiedade ho pasifika no  inkluziva (ODS 16), promosaun Estadu  direitu, igualdade  asesu, rapidés  no efisiénsia, prosimidade servisu no koezisténsia mekanizmu formal no informal (tradisionál) justisa ho fatór krusiál ho konfiansa.

Ba medida prinsipál setoriál  ba 2020 nian mak hanesan reforsa kapasidade ba ezersísiu kompeténsia konstitusionais, konsolida servisu ba  apoiu servisu husi Tribunais sira, kria kondisaun servisu ba Juiz no  ofisiais Justisa, forma no  dezenvolve rekursu umanu.

Jornalista   : Nelson de Sousa   

Editór        : Francisco Simões

HAKEREK NO HATÁN

Please enter your comment!
Please enter your name here