Governu ho Parlamentu Nasional Votasaun Proposta OJE 2020 iha debate faze Espesialidade, iha sala plenáriu PN, segunda (05/10). Imajen Tatoli/Egas Cristovão

DILI, 06 outubro 2020 (TATOLI)-Parlamentu Nasionál (PN), durante diskusaun espesialidade ba proposta Orsamentu Jerál Estadu (OJE) iha tersa ne’e, aprova ona tetu fiskál 2020 ba Ministériu Edukasaun Juventude no Desportu (MEJD) inklui Sekretáriu Estadu Juventude no Desportu ho valór $70.402.

Reprezentante povu iha uma fukun Parlamentu Nasionál sira aprova ho votu afavór 43, kontra zero (0), no abstensaun 21.

Husi verba ne’e  koloka ba kategoria saláriu vensimentu millaun $59.935, bens (sasán) no servisu millaun $7.901, transferénsia públika $1.857, kapitál minór $1.857, inklui kapitál dezenvolvimentu rihun $ 400.

Hafoin hetan aprovasaun husi Deputadu Parlamentu Nasionál, Ministru Armindo Maia, fiar katak ninia parte sei ezekuta osan povu nian ne’e ho di’ak maski falta de’it fulan tolu hahú outobru to’o dezembru 2020 atu ezekuta osan ne’e.

Ho nune’e maka Governante ne’e apela ba dirijente sira iha MEJD atu uza osan ne’e ho responsabilidade liliu despeza kada diresaun hodi apoiu prosesu dezenvolvimentu.

Jornalista : Tomé Amado

Editór : Agapito dos Santos

HAKEREK NO HATÁN

Please enter your comment!
Please enter your name here