Governu defende Proposta OJE 2020 iha debate faze espesialidade loron datoluk, iha sala plenáriu, kuarta (07/10). Imajen Tatoli/Egas Cristovão

DILI, 07 outubru 2020 (TATOLI)–Parlamentu Nasionál (PN) liuhosi diskusaun iha faze espesialidade ba loron datoluk ba proposta Orsamentu Jerál Estadu (OJE) 2020, aprova ona orsamentu ba Ministériu Turizmu, Komérsiu, no Indústria (MTKI), iha espesialidade ho votu a-favór 44, kontra 14, no abstensaun 7.

“Orsamentu ba Ministériu Turizmu, Komérsiu no Indústria aprovadu,” deklara Prezidente Parlamentu Nasionál, Aniceto Guterres, iha sala plenáriu, kuarta ne’e.

Totál orsamentu MTKI hamutuk millaun $4,290 ne’ebé kompostu ba saláriu no vensimentu millaun $1,585, bens no servisu millaun $2,515, kapitál menór $10.000 no laiha alokasaun ba transferénsia públika no kapitál dezenvolvimentu.

Iha gabinete Ministru Turizmu, Komérsiu no Indústria aloka $231.000, gabinete Vise Ministra Turizmu, komunitáriu no kulturál $155.000, gabinete vise Ministru Komérsiu no Indústria $85.000.

Enkuantu gabinete apoiu tékniku no jurídiku $181.000, gabinete apoiu tékniku $49.000, diresaun Jerál komérsiu $49.000, diresaun nasionál regulasaun komersiál no protesaun konsumidór $59.000, diresaun nasionál komérsiu internu $70.000, diresaun nasionál komérsiu esternu $247.000, diresaun nasionál marketing $26.000, diresaun jéral turizmu $41.000, diresaun nasionál planeamentu dezenvolvimentu turístiku $192.000, diresaun nasionál empreendimentu atividade no produtu turístiku $36.000.

Diresaun nasionál marketing turizmu no relasaun internasionál $225.000, gabinete inspesaun no auditoria interna $74.000, diresaun jerál indústria $5.000, diresaun nasionál apoiu no dezenvolvimentu mikro pequena no médiu empreza $12.000, diresaun nasionál dezenvolvimentu industriál $73.000, diresaun nasionál indutria manufaktureia $84.000.

Diresaun jerál koordenasaun administrasaun finansa no planeamentu $173.000, diresaun nasionál rekursu umanu  millaun $1,37, diresaun nasionál finansa $328.000, diresaun aprovizionamentu $199.000, diresaun nasionál peskiza no estatístika $119.000, diresaun nasionál koordenasaun serbisu no planeamentu rihun $29, diresaun nasionál lojiztika no patrimóniu $235.000,  inspesaun jerál jogu $104.000, Sentru Konvensaun Dili (CCD, sigla portugés) $13.000.

Iha tinan 2020, MTKI prioritiza medida prinsipál haat hodi garante governasaun di’ak durante.

Bazeia ba planu anuál (livru 2), prioridade governasaun hosi MTKI mak investe iha ekonomia no finansa públika ba país maka hanesan baze ekonómika, koesisténsia iha setór tolu hanesan produtivu, sekundária no terseáriu.

Aleinde ne’e  konsolida no fortalese defeza no seguransa iha relasaun esterna (instituisaun defeza no seguransa relasaun esterna).

Hosi prioridade governasaun ne’e hamosu medida prinsipál haat iha MTKI, kompostu hosi dezenvolve no promove Timor-Leste liuhosi distinu turístiku atrativu no favoritu iha Asia Pásifiku, promovendu enkuadramentu legál setór turizmu, dezenvolve liután infraestrutura turíztika, fasilita no kapasita ba operadór turizmu.

Nune’e mós, dezenvolvimentu, regularizasaun no promosaun ba atividade komersiál defende polítika komersiál no enkuadramentu legál iha área komérsiu hodi fortalese kooperasaun komersiál internasionál iha nível bilaterál, rejionál, no multilaterál.

Promove polítika nasionál dezenvolvimentu industriál Timor-Leste, dezenvolve no promove indústria nasionál hodi subtitui importasaun no promove boa governasaun no jestaun institusionál.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here