Responsavél Progama Pakote Esensiál Moras La Hada’et, Sentru Saúde Formosa II Dili, Romel Braz.Imajen/Felicidade Ximenes.

DILI, 03 outobru 2020 (TATOLI)-Responsavél Progama Pakote Esensiál Moras La Hada’et, Sentru Saúde Formosa II Dili, Romel Braz, informa durante janeiru to’o juñu 2020 ne’e rejista ona pasiente ho moras tensaun aas hamutuk 555 no diabetes iha kazu hamutuk 140.

”Ita nafatin kontrola  pasiente sira, ita enkoraza nafatin sira  hanesan kazu foun karik kontrola halo didi’ak  kazu tuan karik  enkoraza sira halo kontrolu regulár para labele to’o iha komplikasaun,’’dehan nia ba jornalista sira iha ninia servisu fatin sábadu ne’e.

Durante implementa programa pakote esensiál moras la hada’et iha tinan 2018 liubá ne’e, nia parte deteta ona pasiente ho moras tensaun aas hamutuk 1.161 no diabetes 327.

“Iha 2018 kazu foun iha 464,  kazu foun no kazu tuan sira mai beibeik hamutuk 697 hipertensaun  depois kazu foun ba diabetes mós ita deteta  hamutuk 123,’’ nia hateten.

2019, kazu tensaun aas hamutuk 1.672 no diabetes 372, kazu tensaun aas ne’e númeru boot liu maka feto sira.

“Objetivu husi pakote esensiál moras la hada’et ne’e mak atu deteta sedu  entaun iha tinan 2019  hipertensaun hamutuk 3.739 entaun diferensa ona iha tinan 2018  feto mak sofre liu mane, 2019 hafoin ita estabelese programa ne’e ho di’ak  mane mak agora sofre maka’as ba iha hipertensaun mane agora hamutuk 1.871 diferensa ho feto  no la dun boot maibé  diabetes feto mak sofre kontinua maka’as,” nia hateten.

Jornalista  : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here