Ofisiail Funsionariu husi Ministeriu Solidaderidade kontinua atende no halao pagamentu subsidiu $200 ba komunidade sira. Imajen/Antonio Goncalves

DILI, 02 outubru 2020 (TATOLI)–Diretór Jerál Ministériu Administrasaun Estatál (MAE), Belarmino Filomeno Neves, infroma hosi reklamante hamutuk uma-kain 15.764 ne’ebé ministériu Solidariedade Sosiál no Inkluzaun (MSSI) halo vertifikasaun konsege konfirma reklamasaun verifikadu 12.590 mak sei bele simu subsídiu $200. 

“Hosi 15.764 reklamante, MSSI konfirma no verifika reklamasaun hirak ne’e, to’o agora hela de’it mak 12.590  ne’ebé verifikadu hodi hetan pagamentu ba subsídiu $200 ne’e,” dehan Diretór MAE, Belarmino Filomeno Neves,  ba Agência TATOLI via telefónika, sesta ne’e.

Nia hateten, restante ne’e nia dokumentu la kompletu no balun dobru entaun MSSI haruka ona ba MAE atu haree fila-fali, depois haree hotu tiha mak to’o ikus naran barak mak la rejista iha data base MAE nian.

Tuir nia katak naran lubuk ida mak MAE haruka fali ba MSSI hanesan hosi Munisípiu Liquiça, Postu Administrativu Maubara, iha aldeia balun mak xefe família hamutuk 151 mak seidauk simu maibé sira selu de’it 26 agregadu família.

Nia informa, sei hela mak 125 agregadu família mak MAE entrega fali ba MSSI iha segunda feira (28/09/2020) para MSSI ajusta fali lista ho 12.590 ne’e bele simu subsídiu $200. 

Ba reklamante seluk, nia dehan, tanba naran laiha data base entaun signifika parte MAE labele halo buat ida, tanba lei hateten klaru katak 08 maiu 2020 ne’e, ema hotu-hotu tenke rejistu ona iha livru lima (livro cinco) suku nian.

“Signifika katak ema ne’ebé mak rejistu liu ona loron ne’ebé determina mak sei labele konklui ona,” Belarmino hateten.

Kona-ba bainhira mak pagamentu, diretór ne’e hateten, ida-ne’e konforme MSSI mak deside to’o bainhira mak halo pagamentu ba reklamante sira-ne’e MSSI nia kompeténsia. 

Entretantu, nia informa, iha Suku Kuluhun, Aldeia Tanemutu ho nia xefe família hamutuk 156. Hosi 156 ne’e, xefe família 149 mak konfirmadu no verifikadu atu selu no xefe família hitu (7) mak MAE haruka fila ba administrasaun munisipál.

“Ita haruka tiha ona naran ne’ebé latama ita ami-nia data base ne’e, ami haruka fila administrasaun munisipál atu verifika,” nia dehan. 

Bainhira naran ne’e mak iha data base laiha, nia hateten, signifika autoridade lokál mak la haruka naran ba MAE. Tanba bainhira naran iha lista, iha mak eleitorál laiha ka eleitorál iha mak naran iha lista laiha entaun tenke halo deklasaun ida hosi xefe suku hodi hatudu prova katak ema ne’e hela duni iha aldeia ne’e. Maibé, bainhira xefe suku mak rezeita entaun MAE mós labele halo buat ida.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here