DILI, 01 outobru 2020 (TATOLI)-Diretór Interinu CPLP (Comunidade dos Países da Língua Portuguesa), husi Ministériu Negósiu Estranjeiru no Kooperasaun (MNEK), Avelino Pereira, hateten reuniaun Konsellu Ministru CPLP via telekonferénsia foinlalais ne’e, hodi diskute kona-ba problema globál COVID-19.

“Virtual meeting CPLP nian kalan ida iha ne’ebá ko’alia kona-ba situasaun ne’ebé agora ita hasoru daudaun COVID-19, ko’alia oinsá mak atu kria mekanizmu eventuál kooperasaun entre Estadu membru sira oinsá atu kombate no antisipa COVID-19,” dehan Avelino, ba Tatoli, kinta ne’e iha ninia servisu fatin Praia dos Coqeiros Dili.

Duranrte diskusaun husi parte Timor-Leste sujere atu kria Sentru Análize Estratéjiku Defeza CPLP atu nasaun membru sira kontribui finansiamentu oituan-oituan hodi nune’e bele responde situasaun globál sira hanesan COVId-19 bainhira afeta ba CPLP.

 “Iha reuniaun ne’e ita Timor–Leste relata ou atualiza situasaun kona-ba situasaun COVID-19 nian konsege rekupera hotu. Ho sira ne’e hotu mak CPLP propoin iha mekanizmu eventuál ida karik moras ne’e aumenta ou dezastre seluk ruma akontese ita Estadu membru ruma rai netik osan balun hodi responde, maibé ita Timor-Leste ka’er nafatin mekanizmu estratejíku analize defeza mak kaer Estadu membru hotu tau osan tuir nia kbi’it iha ne’ebá nasaun ruma hetan susar bele responde lalais,” nia dehan.

Nasaun membru CPLP sira seidauk foti desizaun ruma ba sujestaun Timor-Leste nian hodi adia filafali ba Konsellu Ministru extraordináriu CPLP nian iha fulan-dezembru mai.

 Jornalista:Hortencio Sanchez

Editór : Agapito dos Santos

HAKEREK NO HATÁN

Please enter your comment!
Please enter your name here