Magnífiku Reitór UNPAZ, Adolmando Amaral. Imajen: Nelia Fernandes

DILI, 01 outobru 2020 (TATOLI)-Institute of Bussines no Universidade da Páz (UNPAZ) to’o agora seidauk simu kalendáriu graduasaun husi Ministériu Ensinu Superiór Siénsia no Kultura (MESSK), hodi fó graduasaun ba estudante finalista.

Magnífiku Reitór UNPAZ, Adolmando Amaral,  hateten nia parte aprezenta ona proposta graduasaun ba MESSK maibé to’o oras ne’e seidauk iha resposta.

“Planu ami nian dezembru tinan ne’e sei gradua estudante finalista hamutuk 1.547 maibé ami-nia proposta seidauk hetan resposta husi Ministru, (Longuinhos dos Santos),  maibé, preparasaun ami halo daudaun ona hodi hein despaxu,” informa nia ba Tatoli, via telefone kinta ne’e.

Reitór IOB, Augusto Soares. Foto: Portal IOB

Iha parte seluk, Reitór IOB Augostu da Conceição, hateten IOB mós sei realiza graduasaun ba estudante pruvolta 355.

“Ha’u foin horiseik halo konfirmasaun ho Ministériu tuir informasaun katak semana ida ne’e ministru hasai ona despaxu,” katak nia.

Nia dehan bainhira despaxu ne’e hetan ona aprovasaun maka IOB foin bele determina orariu ba serimonia graduasaun.

Jornalista: Tome Amado

Editór : Agapito dos Santos

HAKEREK NO HATÁN

Please enter your comment!
Please enter your name here