Ministru Ensinu Superiór, Siénsia no Kultura, Longuinhos dos Santos. Imajen/Egas Cristovão

DILI, 30 setembru 2020 (TATOLI)-Ministériu Ensinu Superiór Siénsia no Kultura (MESSK), prevee ona osan millaun $ 2.2 iha orsamentu jerál estadu tinan 2020 hodi selu indemnizasaun ba komunidade afetadu ba projetu harii edifísiu Sidade Universitáriu Aileu hamutuk uma-kain 50.

Ministru Longuinhos dos Santos, hateten nia parte prevee orsamentu ba item refere hodi aselera prosesu konstrusaun edifísiu sidade universitáriu Aileu iha futuru.

“Buat hotu prontu hotu ona agora ita hein de’it mak finaliza prosesu orsamentu tetu agregadu ne’e mak define depois lori ba Parlamentu mak hetan aprovasaun nune’e, ita hahú ona prosesu ne’e,” Governante dehan asuntu ne’e ba Tatoli iha Palacio do Governo Dili, kuarta ne’e.

Nia dehan Governu halo ona apresiasaun ba lista komunidade afetadu 50 ne’ebé sei afeta direta ba projetu sidade universitáriu ne’ebé sei hahú iha tinan oin.

Jornalista : Tomé Amado

Editór :Agapito dos Santos

HAKEREK NO HATÁN

Please enter your comment!
Please enter your name here