Diretór Ezekutivu Servico Autonomo Medicamentos Equipamentos Saúde (SAMES), Santana Martins. Imajen Tatoli/Egas Cristovão

DILI, 28 setembru 2020 (TATOLI)-Servisu Autónomu Medikamentu no Ekipamentu Saúde (SAMES), segunda ne’e halo sorumutu ho profesionál saúde sira ne’ebé servisu iha área dentária ka nehan hodi nune’e bele hetan pre-kualifikasaun iha tinan 2021 to’o 2023 iha área dentária.

”Durante ne’e ita la dun tau atensaun ba iha prosesu kompras medikamentus konsumaveis nian tanba ne’e mak daudaun sames halo diskusaun ho pesoál saúde sira hanesan mediku dientista, espesialista,  iha área dentaria no mós enfermeiru dentista sira iha Servisu Saúde Munisípiu Dili  no husi Ospitál Nasionál Guido Valadares,” Diretór SAMES, Santana Martins, ba jornalista sira iha ninia servisu fatin, Kampung-Alor.

Iha diskusaun ne’e mós atu haree nesesidade saida liliu ekipamentu no medikamentu ne’ebé  maka HNGV no Saúde Munisípiu Dili presiza atu sosa hodi atende pasiente sira ho problema nehan.

”Tanba sira sei nafatin utiliza lista tinan 2010 to’o 2015 ninia maibé oras ne’e ita iha tinan 2020 oona entaun evulusaun ne’ebé mak iha ita hakarak ajusta mak ai-moruk sira ne’ebé mak agora daudaun mundu internasionál sira uza ba iha siénsia dentária ninian,” nia hateten.

SAMES fó ona prazu tempu durante semana ida ne’e nia-laran ba HNGV no Saúde Munisípiu Dili atu halo ona ezersísiu ba ekipamentu no medikamentu kona-ba saúde orál nian.

”Ami fó konkluzaun biban ba dentista sira katak semana ida bele halo ezersísiu liga ba medikamentu sira ne’ebé mak ho tratamentu saúde orál nian nune’e mós liga ho konsumuveis sira ne’ebé mak dalaruma ita nehan moras ba prepara ekipamentu no instrumentu ne’ebé liga ba ita entaun ida ne’e ita persiza identifika,” Santana, hateten.

Lista esensiál mak hanesan ai-moruk anestezia sira iha aimoruk haat hanesan lidocaine plain without Adrenaline 2% Cartridge 1.8ml, Lidocaine plain without adrenalie 2% Injection 20mg/5ml amp/5ml,Lidocaine with Adrenaline 2% 1;100,000vial/30ml,Lidocaine with adrenaline 2% 1:80,0001.8ml.

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here