Logotipu MEJD

DILI, 24 setembru 2020 (TATOLI)-Ministériu Edukasaun Juventude no Desportu (MEJD), liuhosi Diresaun Nasionál Asaun Sosiál Eskolár, fó ona apoiu materiál kontrusaun ba eskola bazíka filiál (EBF) Darnafa Baucau no EBF Uaibobo, Munisípiu Viqueque ne’ebé anin sobu iha  fulan-agostu liuba.

Iha EBF Darnafa Baucau anin sobu sala eskola hamutuk ualu, maibé daudaun ne’e Governu responde emerjénsia  hodi fó apoiu materiál ba sala haat no sala haat seluk seidauk fó apoiu tanba MEJD iha laiha estoke materiál konstrusaun sufisiente.

Notísia Relevante :MEJD hahú foti dadus ba eskola ne’ebé estragus iha Baucau

“Sala haat ne’e ita apoiu ona ai 6 x12  hamutuk 90, ai 5×10 iha lolon 126 pregu kalen killograma 15,  pregu sentimu 10 iha killograma 12,  pregu sentimu hitu iha killograma ualu,  kalen tahan 200 no seluk tan,” dehan Diretór Nasional Asaun Sosial Eskolár (DNASE), Joaquim Martins, ba jornalista sira iha Parlamentu Nasionál, kinta ne’e.

Enkuantu, EBF Uaibobo anin sobu sala aprendizajen hamutuk tolu ne’ebé mak komunidade harii rasik antes ne’e.

“Diresaun mós foti ona dadus no fó apoiu ona ai 6 x12 hamutuk 90, ai 5×10 iha 126, pregu sentimu hitu killograma 15, pregu sentimu 10 iha killo 12, kalen  unidade 200 no seluk tan.

Entretantu, hahú janeiru to’o fulan-setembru ne’e anin boot konsege estraga eskola hamutuk 33. Husi dadus ne’e MEJD  fó ona apoiu emerjénsia hanesan materiál konstrusaun ba eskola 12 no falta 20 mak seidauk.

Notísia Relevante :Governu Apoiu Ona Eskola Ensinu Báziku 12 Ne’ebé Hetan Estragu

Jornalista : Tomé Amado

Editór   : Agapito dos Santos

HAKEREK NO HATÁN

Please enter your comment!
Please enter your name here