Diretór Ezekutivu Ospitál Nasionál Guido Valadares (HNGV-sigla portugés, Aniceto Barreto.Imajen/ Felicidade Ximenes.

DILI, 23 setembru 2020 (TATOLI)-Diretór Ezekutivu Ospitál Nasionál Guido Valadares (HNGV-sigla portugés), Dili, Aniceto Barreto, hateten nia parte simu ona tetu fiskál 2020 husi Ministériu Finansa hamutuk millaun $ 7.1 hodi ezekuta ba salariu vensimentu no bens servisu.

“Orsamentu fiskal ne’ebé ami hetan mak millaun $ 7.1 miloes ba programa importante rua mak dahuluk salariu vensimentu ba funsionáriu sira, daruak mak bens servisu liliu ba servisu operasaun Ospitál nian,” nia dehan bainhira halo audénsia ho Komisaun F Parlamentu Nasionál ne’ebé trata asuntu Saúde, Seguransa Sosiál no Igualdade Jéneru, kuarta ne’e iha Parlamentu Nasionál.

Husi item bens servisu nian atu garante forñesimentu hahán ba pasiente sira no ekipamentu saúde hodi apoiu funsionamentu servisu HNGV nian.

“Bens servisu ne’e garante aihan ba ema moras sira, limpeza, funsionamentu mákina sira iha ospitál tenki la’o, aparelo sira ne’ebé mak ita uza liliu ba diagnóstiku hanesan raiu-X, no seluk tan tenki funsiona,” nia informa.

Jornalista : Felicidade Ximenes

Editór     : Agapito dos Santos

HAKEREK NO HATÁN

Please enter your comment!
Please enter your name here