Koordenadór Gabinete Apoiu Sosiedade Sívil GASS-Gabinete Primeiru-Ministru, Filipe da Costa. Imajen TATOLI/Osória Marques.

DILI, 21 setembru 2020 (TATOLI)–Koordenadór Gabinete Apoiu Sosiedade Sívil GASS-Gabinete Primeiru-Ministru, Filipe da Costa, hateten papel importante ba organizasaun mak tenke halo advokásia maibé tenke inspira, reformasaun, influénsia ba mudansa polítika.

“Organizasaun-nia papel importante ida mak tenke halo advokásia maibé tenke tenke inspira, reformasaun, influénsia ba mudansa polítika,” dehan Koordenadór GASS-Gabinete Priemiru-ministru, Filipe da Costa, iha abertura ba formasaun planu estratéjiku ba membru NGOs Munisípiu Dili, iha salaun FONGTIL, Caicoli, Dili, segunda ne’e.

Koordenadór GASS ne’e haktuir, iha mós papel seluk mak hanesan edukasaun públika ka fó eduakasaun ba lider komunitariu siha iha suku sira .

“Maibé ho ida-ne’e ha’u triste uitoan depois ami finansia atividade balun. ONG sira fó treimanetu ba xefe suku sira kona-ba adminsitrasaun suku nian maibé ONG balun lahatene fó treinamentu ba xefe suku kona-ba lei, regra, no adminstrasaun suku nian. Tanba ne’e, NGO presiza iha péritu labele halo proposta atu halo estrutura no programa de’it,” nia hateten.

Tanba ne’e, nia dehan, presiza ONG sira tenke hatene no komprende lei estatál, administrasaun sira no iha organizasaun ida-nia-laran tenke iha pesoál xave ida para bele garante, se lae aban-bainrua ema la fiar tanba bosok ona ema dala ida, entaun atu fó tan formasaun ka treinamentu ema sei la fiar maske informasaun loos nian.

Aleinde ONG hala’o papel ba edukasaun públika, nia hateten, iha mós papel atu kontrola no halo balansu, no tenke prepara-aan atu sai parseiru implementadór.

“ONG ida-ne’ebé mak sai parseiru di’ak tenke iha planu estratéjiku, programa no iha planu asaun anuál ida hodi nune’e hala’o servisu ho di’ak.

Jornalista: Osória Marques

Editór: Cancio Xiemenes

HAKEREK NO HATÁN

Please enter your comment!
Please enter your name here