Kapitaun Academica, Tozi Junior ho Treinador halo konferensia imprensa hafoin derrota ho Sporting.Imajen/Midia FFTL.

DILI, 18 setembru 2020 (TATOLI)-Klube Academica FC besik foti ain hodi sai daudauk husi Kopa Federasaun Futeból Timor-Leste (FFTL), époka 2020 tanba sesta ne’e derrota tan ho Sporting Clube de Timor ho eskoru 3-1 iha Estádiu Munisipál Dili.

Antes ne’e, Klube Academica derrota ho ekipa Karketu, Porto Taibessi.

Grupu C kopa FFTL,  Portu Taibessi provizóriu mak sei lidera tabela klasifikasaun ho pontu sia (9), Karketu pontu neen (6) no Sporting pontu  tolu (3).

Enkuantu, klube Aitana no Academica seidauk hetan pontu. Klube Academica sei iha jogu ida ikus hasoru klube Aitana, tanba ne’e manán ka lakon tenki sai husi Kopa FFTL tinan ne’e.

Ho derrota ne’e oportunidade ba klube Portu Taibesi, Karketu no Sporting atu kompete hodi hakat ba oitavo finál.

Iha jogu ohin, jogadór Florindo Soares husi Sporting maka prodúz golu tolu ba rede Klube Academica.

Trainadór husi Academica uza formatu 4, 3,3, enkuantu husi Sporting maka 4,4,2.

Golu dahuluk prodúz husi jogadór Academica José Boavida ba rede klube Sporting iha minutu 16 hodi muda eskoru 2-1.

Maibé jogadór Sporting lakohi lakon hodi kontra atake klube ho naran istimadu Academica husi UNTL, nune’e iha minutu 40 Jogadór Florindo Soares hatama golu dahuluk ba rede Academica ho eskoru 1-1.

Hakat ba parte daruak, iha minutu 60 no minutu Jogador Florindo hatama tan golu rua ba rede Academika hodi muda eskoru ba 3-1 hodi termina jogu ne’e.

Jogu ne’e lidera hosi, árbitru Pedro Carvalho, Juiz Liña António Carvalho, Carcéres dos Reis no árbitru rezerva, Jaime Gonçalves.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here