Reprezentante Kompana Pateo entrega premiu Man ot The Man ba Jogador Sporting FC, Florindo Soares.Imajen/Midia FFTL.

DILI, 18 setembru 2020 (TATOLI)-Kompaña Pateo Timor-Leste, sesta ne’e entrega premiu “Man of the Match” ba jogadór klube Sporting FC, Florindo Soares (19) tanba hatama golu tolu bainhira nia klube joga hasoru klube Academica, iha Estádiu Munisipál Dili.

“Ha’u sente kontente tebes iha jogu ohin ne’e. “Man of The Match” mai ha’u hanesan motivasaun ida para jogu tuirmai bele halo di’ak liután,” dehan jogadór ne’e ba jornalista sira iha konferénsia imprensa sesta ne’e iha Estádiu Munisipál Dili.

Nia simu premiu hanesan aihan, susuben no seluk tan. Premiu ne’e nu’udar motivasaun ida atu motiva nia hodi treinu di’ak liután nune’e bele kompete ho klube seluk iha jogu sira tuirmai.

“Ba oin sei hamutuk ho nia kolega jogadór seluk servisu maka’as hanesan badinas hala’o treinamentu hodi lori Sporting ba vitoria,” katak nia.

Jornalista : Hortencio Sanchez

Editór      : Agapito dos Santos

HAKEREK NO HATÁN

Please enter your comment!
Please enter your name here