Estudante Fakuldade Agrikultura UNTL halo judisium.Imajen/espesial.

DILI, 18 setembru 2020 (TATOLI)-Estudante Fakuldade Agrikultura UNTL hamutuk na’in 115 sesta ne’e halo ona judisium iha salaun Otél Luz Clarita Dili.

Finalista hirak ne’e maihosi Departementu Agronomia, Agro sosiu Ekonomia, Agro Pekuária no Saúde Animal.

Notísia Relevante :Finalista UNTL 118 tuir judisium

Dekanu Fakuldade Agrikultura UNTL, Carlito de Araújo, husu ba finalista atu kontribui matenek ne’ebé sira aprende ona hodi kontribui ba prosesu dezenvolvimentu nasaun nian.

“Ha’u hakarak hateten katak imi-nia viajen naruk hotu no rohan mak ne’e imi ba ho grau akadémiku ida lisensiatura nakonu ho siénsia,” katak nia iha Luz Clarita.

Finalista hirak ne’e balun servisu ona iha instituisaun públiku no privadu iha Timor-Leste.

“Ha’u mós fiar husi judista na’in 115 termina tan sira nia estudu iha fakuldade ne’e balun mós involve aan ona iha setór privadu no mós iha Governu,” nia esplika.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here