Ministru Prezidénsia Konsellu Ministru, Fidelis Manuel Leite Magalhães. Imajen Tatoli/Egas Cristovão

DILI, 16 setembru 2020 (TATOLI)-Governu liuhosi reuniaun Konsellu Ministru (KM) nomea Rosito de Sousa Monteiro, hodi asume knaar nu’udar Vogál Konsellu Administrasaun Institutu Kualidade Timor-Leste, Institutu Públiku (IQTL, sigla portugés).

“Nomeasaun ne’e liuhosi rezolusaun Governu, ne’ebé aprezenta hosi Ministru Turizmu, Komérsiu no Indústria, José Lucas do Carmo da Silva,” relata Ministru Prezidénsia Konsellu Ministru, Fidelis Manuel Leite Magalhães, hafoin reuniaun ezekutivu iha Palásiu Governu, kuarta ne’e.

Iha fevereiru 2018, Governu liuhosi reuniaun KM aprova kriasaun IQTL ho objetivu atu kontola kualidade produtu importasaun no produtu ne’ebé prodúz iha rai-laran.

Institutu ne’e mós sei fó sertifikasaun ba produtu ida no serbisu ho laboratóriu hodi garante produtu ida merese atu konsumu.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here