Atividade Seasonal Worker Programme iha Austrália. Imajen/SWP

DILI, 11 setembru 2020 (TATOLI)Sekretaria Estadu Formasaun Profisionál no Empregu (SEFOPE) publika ona naran kandidatu traballadór timor-oan ba Seasonal Worker Programme (SWP) Austrália hosi munisípiu Dili hamutuk na’in 13.423, kompostu hosi mane na’in-8.092 no feto na’in-5.331.

Naran kandidatu traballadór tinan 2019 ne’ebé pasa ona no sei tuir teste fíziku, bele asesu iha website Diresaun Nasionál Empregu Esteriór (DNEE) http://www.dnee.sefope.gov.tl/

“Ami publika ona naran kandidatu traballadór Austrália ba aplikasaun vaga Seasonal Worker Programme iha ami-nian website. Kandidatu sira konkorre ona iha tinan kotuk no ema ne’ebé maka liu aplikasaun vaga espesiál munisípiu Dili hamutuk na’in-13.423,” hateten Diretór Nasionál Empregu Exteriór, Filomeno Soares, ba Agência Tatoli, iha ninia knaar fatin, Becora, sesta ne’e.

Tuir planu kandidatu sira sei tuir teste fíziku iha fulan-setembru nia-laran durante loron-15, hahú 21 setembru to’o 09 outubru, iha dadeer tuku 07:30 to’o 12:30 OTL no iha lorokraik 12:30 to’o 17:30 OTL.

“Kandidatu munisípiu Dili sei tuir teste iha loron 21 setembru no teste sei realiza iha Akadémia Polísia Nasionál Timor-Leste (PNTL) no hosi teste ne’e maka ami sei haree hodi selesiona tan kandidatu sira,” nia informa.

Naran ne’ebé sai konsege mosu reklamasaun maibé parte SEFOPE kontinua rezolve atu kandidatu sira bele tuir teste ho di’ak.

“Iha sistema mosu letra balun sala no balun data moris mak sala. Reklasaun sira ne’e ami simu komesa ohin to’o segunda semana oin, tanba ne’e ha’u espera sei bele halo ona diskusaun atubele deside,” nia haktuir.

Teste ne’e rasik la’ós de’it ba fíziku, maibé sei iha teste seluk ne’ebé sei tuirmai.

“Prosesu teste ba Austrália ne’e iha faze hira kedan, la’ós to’o deit iha faze teste fíziku,” nia dehan.

Diretór Nasionál Empregu Exteriór husu ba kandidatu sira atu haree naran iha pájina ofisiál DNEE.

“Ami labele publika iha mídia hanesan jornál sira tanba kustu boot, kuaze $5.000. Eventu ne’e rasik ita uza ona osan boot tanba teste ne’e iha faze hira kedan, tanba ne’e ita poupa osan sira atu loke website hodi publika, nune’e kandidatu sira vizita iha pájina ne’e hodi haree naran ne’ebé pasa vaga,” nia informa.

Jornalista: Natalino Costa

Editora: Julia Chatarina

5 KOMENTÁRIU

  1. Ami trablhdor hkrk hsu ls dt ktk Ami Nia Nrn Teste fisico nian fo sai ona g cduk. w htan info ih FB dhn Nrn fo sai ona ba Teste fisico krim terca tngl17. Maibew hre wbesite liha info Ida Ida kna Nrn teste fisico. Fo sai fli info cluk fli.

    Mk w hkrk kmprma fli

  2. Naran fo sai ona mbe w konfuze uitoan kona ba orsamento nbe hatama ba teste medico nee Quaze 390$,,mbe perguntas Mak n liu g la liu Osan refere fo fila ou lae..Muito obrigado

HAKEREK NO HATÁN

Please enter your comment!
Please enter your name here