Logotipu IGE. Imajen/Espesiál

DILI, 09 setembru 2020 (TATOLI)-Governu liuhosi reuniaun Konsellu Ministru (KM) halo ezonerasaun ba Prezidente Konsellu Administrasaun Institutu Jestaun ba Ekipamentu (IGE, sigla portugés), José Luís de Carvalho, hodi nomea hikas Ermenegilda da Costa Laurentina hodi lidera IGE.

“Nomeasaun ne’e bazeia proposta Rezolusaun Governu nian, ne’ebé aprezenta hosi Ministru Obra Públika, Salvador Eugênio Soares dos Reis Pires,” relata Ministru Prezidénsia Konsellu Ministru, Fidelis Manuel Leite Magalhães, hafoin ramata reuniaun KM iha Palásiu Governu, kuarta ne’e.

Antes ne’e, Ermenegilda da Costa hanesan Xefe Departementu Armajen IGE.

IGE hanesan instituisaun ida atu garante utilizasaun efisiente ba mákina pezada, ekipamentu no veíkulu pezadu.

Governu deside kria IGE iha 2005 hanesan institutu públiku ho autonomia administrativa, finanseira no patrimóniu própriu ne’ebé responsável ba boa jestaun no esplorasaun ba bens iha ámbitu prosekusaun dezenvolvimentu infraestrutura no nesesidade ba servisu administrasau públika.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here