Diretór Direção Nacional de Apoio à Administração de Sucos (DNAAS), Egas José Caetano. Imajen TATOLI/Osória Marques.

DILI, 04 setembru 2020 (TATOLI)–Diretór Direção Nacional de Apoio à Administração de Sucos (DNAAS), Egas José Caetano, hateten semana oin Ministru Administrasaun Estatál (MAE), Miguel Perreira de Carvalho, sei distribui xefe suku sira-nia farda ba xefe suku sira iha Timor laran tomak no sei halo abertura distribuisaun iha Suai-Covalima.

“Farda ba xefe suku sira iha ona ami-nia armajén no semana oin Ministru Administrasaun Estatál sei distribui ba territóriu Timor-Leste maibé ita-nia ministru sei halo abertura iha Suai depois mak fahe dala ida ba xefe suku sira hotu,” dehan Diretór Direção Nacional de Apoio à Administração de Sucos (DNAAS), Egas José Caetano, ba jornalista TATOLI, iha nia knaar fatin Caicoli, Dili.

Diretór ne’e hatutan, iha loron 7-8 setembru semana oin MAE bele distribui ona farda ba xefe suku sira iha suku sira iha munisípiu 12 inklui Rejiaun Administrativu Espesiál Oé-Cusse Ambeno (RAEOA).

“Iha loron 7-8 setembru agora ne’e, ami distribui ona farda atu nune’e xefe suku bele uza ba halo servisu. Farda xefe suku nian ne’e kompostu hosi faru rua (2), kalsa rua (2) no sapatu rua (2),” diretor ne’e hateten 

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here