labarik mane na'in-rua faan hela manu-tolun da'an iha Largo Lecidere. Imajen/Antonio Goncalves

DILI, 04 setembru 2020 (TATOLI)-Diresaun Nasionál Rejistu Notariadu (DNRN), Ministériu Justisa, liuhusi programa rejista  moris ba labarik husi tinan 0-tinan-lima (5) hamutuk 35,156 iha territóriu nasionál.

Notísia Relevante : WVTL ho DNRN Rejistu Ona Labarik 7.480 iha Munisípiu Rua

‘’Programa ne’e dezde tinan 2015 to’o 2018, rejista moris ba labarik  mane 17,520 no feto 17,636 ho total labarik ne’ebé rejistu ona 35,156,” informa Diretór Jerál DNRN, Crisogno da Costa Neto ba Agência Tatoli, ohin, iha nia kna’ar fatin, Caicoli, Dili.

Atividade rejistu moris ne’e la’o regulármente tanba pesoál servisu notariadu destaka iha postu ospitál hodi bele rejistu labarik ne’ebé foin moris.

Atividade DNRN iha faze primeiru fó ona formasaun ba autoridade lokál no parteira sira iha sentru saúde iha territóriu kona-ba oinsá rekolla dadus ba labarik no iha   tempu badak ekipa sira  sei kontinua tun ba terrenu  halo rejistrasaun ba labarik sira iha  Munisípiu Lautem, Manifahi, Manatuto ho Ermera.

Iha tinan 2018,Governu Japaun asina ona akordu ho Governu Timor-Leste liuhusi Ministériu Justisa (MJ) hodi apoiu fundu millaun $2.5  ba implementasaun projetu rejistu moris ba labarik husi tinan 0-5 iha Timor-Leste ne’ebé implementadór liuhusi UNICEF ho Notariadu.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here