Logotipu TDD. Imajen Tatoli/Dok.

DILI, 02 setembru 2020 (TATOLI)- Durante ferias judisiáriu husi loron 01 to’o loron 31 agostu, foin lalais ne’e, Tribunál Distritál Dili (TDD) atende kazu ho karakter urjente hamutuk 24.

Notísia Relevante : Ferias Judisiáriu, TDD Aplika Turnu Ba Juiz Sira

“Durante loron férias judisiáriu, TDD atende  kazu sira ne’ebé iha tama ho karakter urjente hamutuk 24, ne’ebé kompostu husi primeiru interrogatóriu 11, sumáriu 12 no providénsia kautela ida  (1),” Juis Administradór TDD, Afonso Carmona, informa ba Agência Tatoli, ohin, iha nia kna’ar fatin,  Mandarin, Dili.

Husi kazu krime ne’e ho tipu; arma branka, ofensa korporais, violénsia doméstika no sira seluk tan no ba kazu sivíl (ba providénsia kautela)  mak problema rai.

Prosesu sumáriu kazu ne’ebé nia ameasa pena abstrata mínimu tinan-lima mai kraik  bainhira komete krime polísia detein  iha oras 72 tenke aprezenta ba tribunál no  primeiru interrogatóriu kazu ne’ebé nia pena abstrata liu tinan lima ba leten.

Afonso Carmona dehan, prosesu rua ne’e tribunál halo atu aplika medida ruma ne’ebé Ministériu Públika presiza hodi fasilita durante investigasaun.

Tribunál Dili rasik fahe ona turnu ba juis sira no ofisiál justisa kada loron hodi atende kazu ho karakter urjénsia sira.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here