Sekretária Jerál Parlamentu Nasionál, Cedelizia Faria dos Santos. Imajen Mídia UNESCO.

DILI, 01 setembru 2020 (TATOLI)–Sekretária Jerál Parlamentu Nasionál, Cedelizia Faria dos Santos, hateten prioridade Parlamentu Nasionál ba tinan fiskál 2021 mak kontinua prodús lei, halo fiskalizasaun no harii edifísiu foun ba Parlamentu Nasioná nian.

Asuntu ne’e, ohin, Cedeliza haktuir iha reuniaun ekipa traballu ba elaborasaun orsamentu Parlamentu Nasionál ba 2021 nian hodi haree ba planu prioridade sira iha futuru. 

Cedelizia Faria dos Santos hateten, enkontru ida ohin ne’e diresaun hotu-hotu hree fila-fali planu sira iha 2020-2021 nian tanba to’o agora hosi Governu seidauk iha, entaun ohin ne’e haree liu maka planu prioridade 2021 nian ne’e bazea ba planu estratéjiku Parlamentu Nasionál nian.

“Planu prioridade ba 2020-2021 maka bazeia ba servisu Parlamentu Nasionál nian, dahuluk ita prodús nafatin Lei sira, halo fiskalizasaun, sei halo edifísiu ba Parlamentu Nasionál nian no funsionamentu Parlamentu Nasionál nian,” dehan Cedelizia Faria dos Santos ba jornalista sira iha Salaun Auditóriu Ministériu Finansa Aitarak-Laran, Dili, tersa ne’e.

Nia dehan, intensaun hirak ne’e maka ohin dirasaun idak-idak hosi Parlamentu Nasionál nian hato’o sira-nia planu tanba dala barak diresaun halo planu hanesan de’it.

“Entaun, intensaun ohin ne’e ita sei haree dirasaun idak-idak nia planu ne’ebé mak hato’o tanba dala-ruma kuaze dirasaun barak maka halo planu hanesan, tanba ne’e maka ami mai loron tomak ami haree fila-fali no ami uza formatu tuir UPMA (Unidade Plneiamentu, Monitorizasaun no Avaliasaun) ninian ne’ebé mak iha hodi haree kada programa no sub-progrma,” nia dehan. 

Nia hateten, kona-ba estimansaun Parlamentu Nasionál iha elaborasaun 2021 nian seidauk tanba seidauk simu no tetu orsamentál hosi Governu maibé haree fila-fali esperénsia ne’ebé iha dezde 2018-2019.

Jornalista: Evaristo Soares Martins

Editór: Cancio Xiemenes

HAKEREK NO HATÁN

Please enter your comment!
Please enter your name here