Xefe Departamentu Abastesementu Água Munisípiu Dili, Francisco Perreira Xavier. Imajen TATOLI/Osória Marques.

DILI, 28 agostu 2020 (TATOLI)–Xefe Departamentu Abastesementu Água Munisípiu Dili, Francisco Perreira Xavier, ohin, informa estasaun bomba ne’ebé mak lokaliza ho parte Comoro ne’ebé avaria ne’e Diresaun Nasionál Servisu Água (DNSA) liuhosi ekipa task force normaliza bee bomba estasaun Comoro nian.

“Horiseik ita-nia ekipa taks-force hadi’a no normaliza fila-fali bee bomba estasaun Comoro nian hodi abastésia ka fornese ba konsumidór sira iha área Fatuhada, Aimutin, Palapasu inklui ho parte Delta no Praia dos Coqueiros, Dili,” dehan Xefe Departamentu Abastesementu Água Munisípiu Dili, Francisco Perreira Xavier, ba Agência TATOLI, iha nia knaar fatin Caicoli, Dili, sesta ne’e.

Tuir Francisco Xavier katak profunidade (kedalam) bee bomba ba rai-laran ho metru 90 ne’e mak hodi hadi’a kleur maibé ekipa task force konsege normaliza horiseik. Horiseik meudia, nia dehan, bee estasaun Comoro la’o fali normál ona no fornese bee-moos ba komunidade hamutuk 1.800 iha área Comoro nian.

Nia dehan maske bomba ne’e ninia kapasidade la hanesan ho antes ne’e maibé sei augenta no sufisiente hela ba komsumidór sira iha área refere. Bomba ne’e nia kapasidade agora ne’e kiik-oan liu maibé espera katak hein no sei troka fali ho kapasidade orijinál antes ne’e hodi bele aumenta kapasidade bee nian ba komunidade sira.

Xefe Depatamentu Abastementu ne’e haktuir, parte kompetente esforsu no hameno ona no iha tempu badak bele troka fali hodi suporta bomba nia kapasidade ne’e.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here