Reitór UNTL, Francisco Miguel Martins, iha ámbitu bainhira atu fó graduasaun ba estudante graduadu na’in 578. Foto: UNTL

DILI, 26 agostu 2020 (TATOLI)-Estudante finalista Universidade Nasionál Timor Lorosa’e (UNTL) hamutuk ema na’in 500 sei hetan graduasaun iha fulan-setembru 2020 iha Dili.

Reitór UNTL, Francisco Miguel Martins, hateten finalista hirak ne’e husi Fakuldade Edukasaun, Enjinaria, Ekonomia, Siénsia Sosiál, Medisina, Filojófiku, Diretu no programa pos graduasaun peskiza.

 Notísia Relevante :Graduasaun UNTL, Reitór: “Labele Dezanima Enfrenta Dezafiu”

Kona-ba programa pos graduasaun peskiza ne’e espesializada tutela ba área klínika liliu ba médiku hanesan saúde familiar no optamolojia.

“Agora dadaun graduadu sira halo hela sira-nia rejistrasaun iha Diresaun Administrasaun Akadémika tanba tempu graduasaun ne’e besik ona, ne’ebé sei monu iha loron 25 setembru 2020,” dehan Magnífiku Reitór UNTL ba Tatoli iha ninia servisu fatin, kuarta ne’e.

Iha parte seluk, Ministru Ensinu Superiór Siénsia no Kultura (MESSK), Longuinhos dos Santos, hateten simu ona informasaun verbalmente husi UNTL kona-ba serimonia graduasaun ne’e, maibé seidauk simu lista graduadu sira-nian.

“Agora daudau ha’u foin mak simu informasaun husi parte UNTL nian katak setembrou sira sei realiza serimonia graduasaun kona ba dadus estudante sira ha’u seidauk hetan inklui  Universidade Privada sira,” katak Governante iha ninia servisu fatin Colmera Dili.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here