Diretór Ezekutivu Servico Autonomo Medicamentos Equipamentos Saúde (SAMES), Santana Martins. Imajen/Egas Cristovão

DILI, 21 agostu 2020 (TATOLI)-Servisu Autónomu Medikamentu  no Ekipamentu Saúde (SAMES), Kampung-Alor Dili, daudaun ne’e laiha ona espasu atu armazena ai-moruk no ekipamentu saúde.

Diretór SAMES, Santana Martins, informa atu rezolve difikuldade ne’ebé maka mosu,  SAMES aluga ona armazén provizóriu hamutuk rua, ida iha área Bebonuk no Fatuhada Dili.

Armazén Bebonuk aluga ho osan $ 6.500 no armazén Fatuhada ho $ 3.000 tolu kada fulan. Total gastu osan ba armazén rua ne’e kada fulan $ 9.500.

”Osan ne’ebé  mak aluga armazén rua ne’e husi orsamentu COVID-19 nian hotu tanba impaktu mudansa husi armazén Lahane Ospitál António Carvalho ne’ebé mak tenki muda hodi prepara ba fatin izolamentu COVID-19 entaun  obrigatóriu tenki muda fatin no espasu laiha ona dalan ikus mak aluga armazén,’’ relata nia ba jornalista sira iha SAMES Kampung-Alor sesta ne’e.

Tuir planu armazén Fatuhada no Bebonuk sei halo armazenamentu ba ai-moruk no ekipamentu ne’ebé maka Governu sosa, enkuantu Armazen SAMES Kampung Alor sei rai sasán ne’ebé apoiu husi doadór sira.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here