Prezidente Repúblika, Francisco Guterres ‘Lú Olo, akompana husi Xefe Estadu Maiór Forsa Defeza Timor-Leste, Majór Jenerál Lere Anan Timur, hafoin partisipa iha misa selebrasaun aniversáriu FALINTIL ba dala-45 iha Igreja Motael, kuarta (19/08). Imajen Tatoli/António Gonçalves

DILI, 19 agustu 2020 (TATOLI)-Prezidente Repúblika (PR), Francisco Guterres ‘Lú Olo’ husu povu fó ondra ba asuwain Frente Armada Libertasaun Timor-Leste (FALINTIL) sira, iha ámbitu selebrasaun Loron FALINTIL nian ba dala-45.

“Ita hotu haksolok, ita hotu hanoin, ita hotu fó ondra no gloria nafatin ba ita-nia asuwain sira hotu, ita-nia asuwain FALINTIL sira ne’ebé hamutuk ho ita iha ukun-an ida-ne’e,” hateten PR Lú Olo hafoin partisipa misa ba selebrasaun Loron FALINTIL ba dala-45 iha Igreja Motael, kuarta ne’e.

Xefe Estadu konsidera, Forsa Armada sira fó ona sira-nia isin no klamar hodi Timor-Leste bele hetan independénsia.

Tuir ajenda, iha kinta (20/08) sei selebra Loron FALINTIL no Prezidente Repúblika sei fó mensajen Estadu.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here