Reprezentante WFP iha Timor-Leste, Dangen Liu. Imajen Tatoli/António Gonçalves

DILI, 18 agostu 2020 (TATOLI)-Voo asisténsia umanitária husi Programa Ai-han Mundiál (WFP, sigla inglés) lori pasajeiru hamutuk na’in-57 ho Malaysia Airlines.

Reprezentante WFP iha Timor-Leste, Dangeng Liu, agradese ba Governu Timor-Leste, liuliu parte Autoridade Navegasaun Aero Timor-Leste (ANATL) tanba bele koopera parte WFP hodi fasilita ona.

“Hato’o agradesimentu ba Autoridade Aeroportu tanba fasilita ona aviaun alugadu husi WFP, bele semo mai Timor-Leste dala-hitu ona,” dehan Dangeng Liu ba Agência tatoli, via telefónika, tersa ne’e.

Aviaun alugadu husi WFP ohin to’o iha Timor-Leste no lori totál pasajeiru umanitáriu 57, husi pasajeiru umanitáriu 57 iha voo ohin ne´e, 38 hela iha Dili no pasajeiru umanitáriu 19 semo liu ba kapitál Port Moresby, Papua Nova Guiné no ohin to’o iha Dili tuku sanulu dader.

Sasán hirak ne’ebé maka aviaun tula mai Dili lori ekipamentu médiku ne’ebé pertense ba Organizasaun Mundiál Saúde (OMS), Organizasaun Internasionál Migrasaun (IOM, sigla inglés) no WFP ho totál kargu hamutuk kilograma 1.306.

Aban, 19 agostu 2020, voo umanitáriu WFP sei halo tán voo  ba dala-ualu no sei semo husi kapitál Port Moresby, Papua Nova Guiné no sei to’o Dili iha tuku 10 dader.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here