Xefe Gabinete Kontrolu Kualidade HNGV, Sara Maria Xavier. Imajen/Felicidade Ximenes.

DILI, 18 agostu 2020 (TATOLI)-Xefe Gabinete Kontrolu Kualidade Ospitál Nasionál Guido Valadares Dili (HNGV-sigla portugés), Sara Maria Xavier, hateten tuir relatóriu servisu HNGV  durante fulan-jullu rejista gravida ka inan isin-rua 500-resin maka partu iha sala maternidade.

Husi númeru ne’e, inan ne’ebé partu ho kondisaun normal hamutuk 377, partu ho apoiu sesariana 94, partu ho ventoza hamutuk 31, inan ne’ebé partu ho bebé kaduak hamutuk 13.

”Bebé ne’ebé mak moris iha fulan-jullu nia laran hamutuk 500-resin ne’e husi totál partus hamutuk 498 ne’e signifika númeru ne’e sura mós ho sira ne’ebé mak kaduak,” informa nia iha HNGV.

Nia dehan bebé ne’ebé mate iha inan-nia kabun laran tanba inan-sira hetan moras komplikasaun hanesan ipertensaun, anemia, infesaun traturinariu hamutuk na’in ualu.Sira mate antes ona iha inan-nia kabun molok to’o iha sala Maternidade HNGV.

Atu prevene mortalidade ba inan no labarik, nia sujere ba inan-sira tenki halo kontrolu rutina bá Sentru Saúde, Postu Saúde no Opsitál sira ne’ebé besik bainhira tama ona fulan ualu ka sia tama atu tuur ahi.

Sara informaliutan katak bainhira atu partu, durante oras 24 nia-laran bebé sira sei fó sinál mak hodi book aan iha inan nia kabun-laran dala 10, se bainhira menus husi sanulu, ne’e iha problema tanba ne’e tenki hakbesik aan lalais ba Sentru Saúde hodi konsulta ho médiku ka parteira sira.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here