Defensor Públiku Jerál, Câncio Xavier. Imajen Tatoli/Dok

DILI, 18 agostu 2020 (TATOLI)-Defensór Públiku Jerál, Câncio Xavier, hateten, Defensoria Públika (DP)  prepara ona nia edifísiu ka rezidénsia reprezentasaun bainhira Tribunál Rekursu (TR) loke tan Tribunál Distritál iha Munisípiu Viqueque, Ermera no Bobonaro.

Notísia Relevante : Defensoria Públika sei loke edifísiu reprezentasaun iha munisípiu lima

“Servisu Tribunál labele la’o mesak.  Nia servisu integradu iha ámbitu justisa tanba iha  julgamentu ida tenke iha Defensór Públiku no Prokuradór, tanba ne’e parte  Defensoria prepara ona nia reprezentasaun ba munisípiu hirak ne’e,” informa Defensór Públiku Jerál, Câncio Xavier ba Agência Tatoli, ohin, iha Dili liuhusi telefone.

Nia hateten, reprezentasaun DP nian iha Munisípiu Ermera, Bobonaro daudaun ne’e konstrusaun ka instalasaun iha faze  final no hein kompleta asesoria iha tinan oin bele funsiona.

Ba Munisípiu Manufahi, Viqueque no Lautem halo identifikasaun tékniku no tau ona iha planu orsamentu  jerál Estadu (OJE) 2021 bele halo konstrusaun ho fazeadamente.

Daudaun ne’e Defensoria Públika eziste ona iha Dili, Baucau, Covalima no Rejiaun Administrativu Espesiál  Oe-cusse Ambeno  (RAEOA).

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here