Prezidente Liga Futeból Amadora (LFA), Nilton Gusmão. Imajen dok. TATOLI

DILI, 14 agostu 2020 (TATOLI)-Komisaun Verifikasaun no Lisensa Liga Futeból Amadora (LFA), fó sai to’o sesta (14/08) ne’e, Nilton Gusmão maka kandidatu úniku ba Prezidente Liga Futeból Amadora (LFA) ba periodu 2020/2023.

Liga Futeból Amadora (LFA) iha sábadu 15 fulan-agostu aban, sei realiza kongresu nasionál hodi hili estrutura  foun atu lidera LFA, kongresu ne’e sei hala’o iha salaun Suai Room Timor-Plaza Dili.

Notísia Relevante :Klube no Fundadór LFA aprenzenta ona kandidatu ba kargu Prezidente foun

“Ohin diresaun verefikasaun hakarak hato’o ba públiku kona-ba rejistu kandidatura ba Prezidente Liga Futeból Amadora 2020-2023,” dehan Membru Verifikasaun, Pedro Gago ba jornalista sira iha edifísiu LFA, Bairru Formosa, sesta ne’e.

Prosedimentu ba kandidatura Prezidente hahú hosi 16 marsu to’o 30 jullu ita loke rejistu ba kandidatura maibé só klube ualu ho fundadór na’in haat mak fó apoiu ba Nilton Gusmão mesak de’it no laiha tan kandidatura seluk.

Klube ualu ne’ebé mantein kandidatu Prezidente atuál Nilton Gusmão maka  ADR. União, FC Café, Nagardjo FC, Lika-Lika Lemorai FC, Kablaki FC, Zebra FC, Porto Taibessi FC no AD SLB Laulara.

Enkuantu fundadór na’in haat ne’e maka  Domingos Sousa, Oscar Dias Quintas, Nelson Ricardo no Vasco Ribeiro.

“Ita hare ba iha artigu sia LFA kandidatura ida tenke hetan asinatura  ka apoiante hosi klube minimu lima maibé ida ne’e ualu ona liutiha ona kriteria ne’ebé iha, fundadór minimu tolu mais liu tia ona. Entaun hosi rezultadu ne’e hatudu katak kandidatu úniku,” tenik tan.

Pedro informa katak nia parte konfirma ona ho Nilton Gusmão kona-ba ninia kandidatura no nia prontu atu lidera LFA ba tinan haat tan.

Entretantu, Nilton Gusmão lidera ona LFA hanensan Prezidente hahú iha tinan 2015 to’o 2019 liubá.

Notísia Relevante :Agostu, LFA Realiza Kongresu

Jornalista  : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here