Fuma sigaru bele mós hamosu kankru ran. imajen/google.

DILI, 14 agostu 2020 (TATOLI)-Xefe Departementu Moras la Hada’et, Fredérico Bosco Alves,  hateten foinsa’e pursentu 71 husi tinan 13 to’o 15 fumadór pasivu iha fatin públiku.

Fumadór pasivu hirak ne’e la fuma diretamente maibé horon de’it sigaru suar iha fatin públiku hanesan eskola, iha jardim, edifísiu públiku no seluk tan.

”Ba ema ne’ebé mak la fuma maibé horon de’it sigaru suar dahuluk iha impaktu saúde ne’ebé mak hanesan ho ema ne’ébé mak fuma ezemplu iha uma laran, la’en mak fuma fen la fuma iha posibilidade boot fen hetan problema ba pulmaun hanesan dada iis boot,” dehan nia ba jornalista sira iha Otél Vila Verde, Dili.

Nia dehan sigaru suar risku atu hamosu moras króniku sira  hanesan kankru,  iis boot, pulmaun no seluk tan.

”Iha matenek balun ko’alia katak ema ne’ebé mak horon ne’e hetan impaktu boot liufali ema ne’ebé mak fuma tanba sigaru nia suar ne’e kahur fali ho kontaminasaun ambiente sira seluk, nia perigu ne’e dobru entaun ema ne’ebé mak horon ne’e dobru liu fali ema ne’ebé mak fuma entaun ida ne’e mak impaktu reál husi horon sigaru suar nian,” tenik tan.

Tuir peskiza Globál Tabaku iha 67 % mak ema ne’ebé horon sigaru suar iha uma-laran.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here