Ilustrasaun labele fuma

DILI, 14 agostu 2020 (TATOLI)-Eskola Téknika Informatika (ETI), durante ne’e implementa ona regulamentu zero toleránsia ba estudante no profesór sira atu fuma sigaru  iha áreadór eskola.

Diretór Eskola ETI Dili,  Deonísio Miguel de Jesus Ximenes, hateten eskola privada ne’e komesa implementa ninia regulamentu ne’e hahú kedas inísiu eskola ne’e hamriik to’o ohin loron.

Iha regulamentu interna eskola nian hateten bainhira deskobre estudante ida lori sigaru ka fuma iha áreadór eskola nian sei hetan sansaun disiplinár hodi bolu inan-aman.

”Agora estudante fuma mak ami profesór hetan sira fuma ami fó sansaun mak hamoos uma ka hamoos haris fatin, la’e ami bolu sira nia inan-aman ba eskola,” esplika Deonisio, iha Otél Vila-Verde.

Ba futuru, eskola ne’e planea ona sei konvida Autoridade Nasionál Kontra Tabaku (ANCT-sigla portugés) atu sensibiliza informasaun ba estudante no profesór sira kona-ba risku fuma sigaru.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here