Avansadu Ponta Leste tenta hadau bola husi defeza Aitana hodi pele ultrapasa ba rede Aitana. Imajen: Mídia-LFA

DILI, 11 agostu 2020 (TATOLI)-Treinadór Prinsipál Klube AS Ponta Leste, Eduardo Pereira, hateten ninia jogadór sira sei kompete iha Kopa Federasaun Futeból Timor-Leste (FFTL), ne’ebé tuir orariu sei hala’o iha loron 20 fulan-agostu 2020 iha Dili.

Klube AS Ponta Leste daudaun ne’e halo ona preparasaun, maibé tuir Trainadór ne’e katak preparasaun ladun másimu tanba sira laiha kampu atu treinu.

Notísia Relevante :Klube Academica FC Prontu Kompete iha Kopa FFTL

Durante ne’e nia delega hela kompoténsia ba Asisténte Treinadór hodi fó treinu ba Jogadór Klube refere.

Klube Nasionál ne’e halo ona jogu amijavel dahuluk ho Klube Lalenok United FC ho valór 5-2 , depois jogu daruak nian ho valór 4-1.

“Ha’u lae haree ba rezultadu ne’e ha’u haree liubá oinsá unidade jogadór sira-nian ne’ebé di’ak,” dehan nia ba Tatoli iha Kampu FFTL, Bairru Formosa Dili.

Klube ne’e sei mantein ho jogadór seniór na’in lima sei joga hamutuk ho jagadór junior  tanba jogadór senior balun hetan ona kontratu husi klube seluk.

Klube ne’e daudauk ne’e fihir ona Jogadór estranjeiru na’in rua atu kontratu hodi reforsa klube ne’e iha kopa FFTL 2020.

Notísia Relevante :Klube 20 sei kompete iha kopa FFTL

Maibé nia seidauk bele fó sai lista naran husi Jogadór Internasionál rua ne’e tanba klube seidauk foti desizaun ikus.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here